‘എന്റെ മോള് വല്ലാതെ കഷ്ടപ്പെടുന്നു’ എന്നു താര കല്യാൺ, ‘ചിരിച്ചുകൊണ്ട് ജോലി ചെയ്യണമെന്നുണ്ടെങ്കിലും മറന്നുപോകുമെന്ന്’ സൗഭാഗ്യ

നടിയും നർത്തകിയുമായ താര കല്യാണിന്റെ മകളും നർത്തകിയുമായ സൗഭാഗ്യ വെങ്കിടേഷ് സോഷ്യൽ മീഡിയയിൽ ഏറെ ആരാധകരുള്ള താരമാണ്. സൗഭാഗ്യയുടെ സോഷ്യൽ മീഡിയ കണ്ടന്റുകൾ വളരെ വേഗമാണ് വൈറലാകാറ്. സൗഭാഗ്യയുടെ ഭർത്താവും നടനും നർത്തകനുമായ അർജുൻ സോമശേഖറും പ്രേക്ഷകർക്ക് സുപരിചിതനാണ്.

ഇപ്പോഴിതാ, സൗഭാഗ്യ ഇൻസ്റ്റഗ്രാമിൽ പങ്കുവച്ച ഒരു വിഡിയോയും അതിനു താര കല്യാൺ കുറിച്ച കമന്റുമാണ് വൈറൽ. വീട്ടിലെ പണികളിൽ മുഴുകുന്ന തന്റെ വിഡിയോ, ‘ചിരിച്ചുകൊണ്ട് ജോലി ചെയ്യണമെന്നുണ്ട് പക്ഷേ മറന്നുപോകും… വിഡിയോയിൽ നിങ്ങൾക്കേറ്റവും ഇഷ്ടപ്പെട്ട ഭാഗം കമന്‍റ് ചെയ്യണം’ എന്ന കുറിപ്പോടെ സൗഭാഗ്യ ഇൻസ്റ്റഗ്രാമിൽ പോസ്റ്റ് ചെയ്തതിനു താഴെ, ‘my gal working so hard’ എന്നാണ് താര കമന്റിട്ടത്.

നേരത്തെ സൗഭാഗ്യ ഇൻസ്റ്റഗ്രാമിൽ പങ്കുവച്ച ഒരു വിഡിയോയ്ക്ക് താര കല്യാൺ കുറിച്ച കമന്റും വൈറൽ ആയിരുന്നു.

ശാരീരിക അസ്വസ്ഥതകളുള്ള ഒരു ദിവസം ആ ബുദ്ധിമുട്ടുകൾക്കിടയിലും വീട്ടിലെ പണികളിൽ മുഴുകുന്ന തന്റെ വിഡിയോ, ‘ഒന്നിനും ഒരു ആരോഗ്യം ഇല്ലാത്ത അങ്ങനെയും ചില ദിവസങ്ങൾ’ എന്ന കുറിപ്പോടെയാണ് സൗഭാഗ്യ പോസ്റ്റ് ചെയ്തത്.

ഇതിനു താഴെ ‘my heart bleeds’ എന്നാണ് വിഷമത്തോടെ താര കല്യാൺ കുറിച്ചത്. ‘you were like this only….! I grew up watching you working’ എന്നാണ് ഇതിനു സൗഭാഗ്യയുടെ മറുപടി. എന്നാൽ സൗഭാഗ്യയെ അഭിനന്ദിച്ചാണ് ആരാധകർ കമന്റിട്ടത്. ‘മാം... നിങ്ങൾ ഭാഗ്യം ചെയ്തവരാ, ഈ മോൾ എത്ര സിമ്പിൾ ആണ്’ എന്നാണ് ഒരു ആരാധിക കുറിച്ചത്.