സുഹൃത്തും സീരിയല്‍ ക്യാമറാമാനുമായ വിഷ്ണു സന്തോഷിനൊപ്പമുള്ള മനോഹരമായ ചിത്രങ്ങൾ ഇൻസ്റ്റഗ്രാം സ്റ്റോറിയായി പങ്കുവച്ച് മിനിസ്ക്രീൻ താരം സ്വാതി നിത്യാനന്ദ്. ‘നെഞ്ചുക്കുൾ പെയ്തിടും മാമഴൈ...’ എന്ന സൂപ്പർഹിറ്റ് പാട്ടിന്റെ ബാക്ക് ഗ്രൗണ്ട് മ്യൂസിക്കാണ് ചിത്രത്തിന്റെ പശ്ചാത്തലത്തിൽ ഉൾപ്പെടുത്തിയിട്ടുള്ളത്. ഒപ്പം ഹൃദയ ഇമോജിയും ഉൾപ്പെടുത്തിയിട്ടുണ്ട്.
വിഷ്ണുവിനൊപ്പമുള്ള മനോഹരമായ നൃത്തവിഡിയോകൾ സ്വാതി മുൻപും സോഷ്യൽ മീഡിയയിൽ പോസ്റ്റ് ചെയ്തിട്ടുണ്ട്. ഇരുവരും ഒന്നിച്ചുള്ള ചിത്രങ്ങളും ആരാധകർ ഏറ്റെടുത്തു കഴിഞ്ഞു.
തിരുവനന്തപുരം സ്വദേശിയായ സ്വാതി ‘ചെമ്പട്ട്’ എന്ന സീരിയലിലൂടെയാണ് അഭിനയരംഗത്തെത്തുന്നത്. പിന്നീട് മഴവിൽ മനോരയിലെ ഭ്രമണം എന്ന പരമ്പരയിലൂടെ പ്രേക്ഷക ശ്രദ്ധ നേടുകയായിരുന്നു. ഇതേ സീരിയലിലെ ക്യാമാറാമാനായിരുന്ന പ്രതീഷ് നെന്മാറയെ ആണ് സ്വാതി വിവാഹം ചെയ്തത്. നടി അനുശ്രീ ആയിരുന്നു വിഷ്ണുവിന്റെ ജീവിതപങ്കാളി. എന്നാൽ ഇവർ വേർപിരിഞ്ഞു.
