തെന്നിന്ത്യയുടെ പ്രിയതാരമാണ് ശരണ്യ മോഹൻ. തമിഴിലും മലയാളത്തിലും ഒരുപിടി മികച്ച കഥാപാത്രങ്ങളുമായി പ്രേക്ഷകരുടെ ഇഷ്ടം നേടിയ ശരണ്യ വിവാഹത്തോടെ സിനിമ വിട്ടെങ്കിലും സോഷ്യൽ മീഡിയയിൽ സജീവമാണ്. ഭർത്താവിനും മക്കൾക്കുമൊപ്പമുള്ള ടിക് ടോക്ക് വിഡിയോകളും ചിത്രങ്ങളുമൊക്കെ ശരണ്യ സോഷ്യൽ മീഡിയയിൽ പങ്കുവയ്ക്കുക പതിവാണ്.
ഇപ്പോഴിതാ, മക്കളോടൊപ്പമുള്ള ശരണ്യയുടെ ഒരു ടിക് ടോക്ക് വിഡിയോ ആരാധകർ ഏറ്റെടുത്തിരിക്കുന്നു. മകൻ അനന്തകൃഷ്ണനും മകൾ അന്നപൂർണയ്ക്കുമൊപ്പം കളിചിരികളുമായി പാട്ടുപാടുന്ന ശരണ്യയാണ് വിഡിയോയിൽ. അമ്മയെ കെട്ടിപ്പിടിച്ചും ഉമ്മവച്ചും മകൻ അനന്തകൃഷ്ണൻ പാട്ടിനൊപ്പം താളം പിടിക്കുമ്പോൾ നിറചിരിയോട അമ്മയേയും ചേട്ടനെയും നോക്കിയിരിക്കുകയാണ് അന്നപൂർണ.
2015 സെപ്തംബറിലാണ് തിരുവനന്തപുരം സ്വദേശി ഡോ. അരവിന്ദ് കൃഷ്ണയും ശരണ്യ മോഹനും വിവാഹിതരായത്. വര്‍ക്കല ദന്തല്‍ കോളജ് അധ്യാപകനാണ് അരവിന്ദ് കൃഷ്ണന്‍.
