ADVERTISEMENT

കാത്തിരിപ്പുകൾക്കും പ്രാർഥനകൾക്കും ഫലപ്രാപ്തിയുണ്ടായിരിക്കുന്നു. മലയാളത്തിന്റെ മെഗാസ്റ്റാർ മമ്മൂട്ടി വീണ്ടും വെള്ളിത്തിരയുടെ വെള്ളിവെളിച്ചത്തിലേക്ക് തിരിച്ചെത്തുന്നു. ചെറിയ കാലത്തെ ഇടവേളയ്ക്കു ശേഷം മമ്മൂട്ടി തിരികെയെത്തുന്നുവെന്ന സന്തോഷവാർത്ത അദ്ദേഹത്തോട് ഏറെ അടുപ്പമുള്ളവരിൽ നിന്നുമാണ് സോഷ്യൽ മീഡിയയിലേക്കെത്തുന്നത്. ചികിത്സാർഥം സിനിമയിൽ നിന്ന് അവധിയെടുത്ത് ചെന്നൈയിലേക്ക് പോയ താരം പൂർണആരോഗ്യവാനാണെന്ന് ഡോക്ടർമാരും സാക്ഷ്യപ്പെടുത്തിയിട്ടുണ്ട്. ഇന്ന് രാവിലെയോടെയാണ് എല്ലാ ടെസ്റ്റുകളുടെയും ഫലങ്ങൾ പുറത്തു വന്നത്. ഉടൻ കേരളത്തിലേക്ക് മടങ്ങിയെത്തുന്ന അദ്ദേഹം സെപ്റ്റംബറിൽ മഹേഷ് നാരായണൻ സിനിമയിൽ ജോയിൻ ചെയ്യുമെന്ന് താരത്തോട് അടുത്ത് വൃത്തങ്ങൾ അറിയിച്ചു.

ഇപ്പോഴിതാ, മമ്മൂട്ടിയുടെ തിരിച്ചുവരവ് ഏറെ സന്തോഷത്തോടെ വരവേൽക്കുകയാണ് സംവിധായകൻ ഷാജി കൈലാസ്.

ADVERTISEMENT

‘നന്മയുള്ളവർക്ക് എന്നും ദൈവത്തിന്റെ കൂട്ടുണ്ട്. മനസ്സിൽ എന്നും നന്മ മാത്രം സൂക്ഷിക്കുന്ന മമ്മൂക്കയുടെ വരവ് നല്കുന്ന സന്തോഷം വലുതാണ്. ഈ ഒരു തിരിച്ചുവരവിനായി പ്രാർഥിച്ച അനേകകോടികളിലൊരാളായിരുന്നു ഞാനും. വരിക പ്രിയപ്പെട്ട മമ്മൂക്ക, പൂർവ്വാധികം കരുത്തോടെ തിരിച്ചുവരിക’.– മമ്മൂട്ടിയോടൊപ്പമുള്ള തന്റെ ചിത്രം പങ്കുവച്ച് ഷാജി കൈലാസ് ഫെയ്സ്ബുക്കിൽ കുറിച്ചു.

നിരവധി ആരാധകരാണ് ഷാജി കൈലാസിന്റെ പോസ്റ്റിനു താഴെ ലൈക്കുകളും കമന്റുകളുമായി എത്തുന്നത്.

ADVERTISEMENT
ADVERTISEMENT
ADVERTISEMENT