യുവനായിക അനശ്വര രാജന് പിറന്നാൾ ആശംസകൾ നേർന്ന് അമ്മ ഉഷ രാജൻ. ‘പ്രിയപ്പെട്ടതൊന്നു പോയപ്പോൾ പ്രിയമുള്ള ഒന്നിനെ കിട്ടിയ ദിവസം. 23 വർഷം, ആയുരാരോഗ്യവും സന്തോഷവും ഉണ്ടാവട്ടെ ന്റെ കുട്ടിക്ക്. അമ്മയുടെ കിങ്ങിണിക്ക് ഒരായിരം പിറന്നാൾ ആശംസകൾ നേരുന്നു’ എന്നാണ് അനശ്വരയുടെ മനോഹരമായ ചിത്രത്തിനൊപ്പം ഉഷ കുറിച്ചത്.
ഉഷയുടെ പോസ്റ്റിനടിയിൽ നിരവധിപ്പേരാണ് അനശ്വരയ്ക്ക് പിറന്നാൾ ആശംസകൾ നേർന്നത്. ഉഷയുടെ അമ്മയുടെ മരണത്തിനു പിന്നാലെയാണ് അനശ്വര ജനിച്ചത്. അതാണ് പോസ്റ്റിൽ സൂചിപ്പിക്കുന്നത്.
അതേ സമയം, ‘വ്യസനസമേതം ബന്ധുമിത്രാദികൾ’ എന്ന ചിത്രമാണ് അനശ്വര രാജന്റേതായി അടുത്തിടെ തിയറ്ററുകളിലെത്തിയത്.
