സുരേഷ് ഗോപി, ദുൽഖർ സൽമാൻ, ശോഭന, കല്യാണി പ്രിയദർശൻ എന്നിവരെ പ്രധാന കഥാപാത്രങ്ങളാക്കി അനൂപ് സത്യൻ അന്തിക്കാട് സംവിധാനം ചെയ്യുന്ന വരനെ ആവശ്യമുണ്ട് പ്രദർശനത്തിന് തയാറെടുക്കുകയാണ്. ഇപ്പോഴിതാ, ചിത്രത്തിലെ പുതിയ ഗാനത്തിന്റെ ലിറിക്കൽ വിഡിയോ എത്തിയിരിക്കുന്നു.
‘മുല്ലപ്പൂവേ...’ എന്നാരംഭിക്കുന്ന ഈ പ്രണയഗാനത്തിന് സംഗീതം പകർന്നിരിക്കുന്നത് അൽഫോൺസ് ജോസഫ് ആണ്. ഹരിചരൺ ആണ് പാടിയിരിക്കുന്നത്. സന്തോഷ് വർമയുടെതും അനൂപ് സത്യന്റെതുമാണ് വരികൾ.
എം.സ്റ്റാർ ഫിലിംസും വേഫെറർ ഫിലിംസും ചേർന്നാണ് ചിത്രത്തിന്റെ നിർമാണം.
