‘ഏറ്റവും പ്രിയപ്പെട്ട എന്റെ രാജാവ് രാജശേഖരന്... എന്റെ ജയറാമിന്...’: നൃത്ത വിഡിയോയുമായി പാർവതി
Mail This Article
‘കാന്താര’ സിനിമയിലെ ‘വരാഹരൂപം’ എന്നാരഭിക്കുന്ന ഗാനത്തിനു ചുവടുവച്ച് മലയാളത്തിന്റെ പ്രിയഅഭിനേത്രി പാർവതി ജയറാം.
‘കാന്താര മുതല്‍ ഈ സംഗീതം എന്നില്‍ ജീവിക്കുന്നു. കാന്താര: എ ലെജന്‍ഡ് ചാപ്റ്റര്‍ 1 ലൂടെ അത് വീണ്ടും ഉയിര്‍ത്തെഴുന്നേറ്റ് മനസ്സില്‍ തങ്ങിനില്‍ക്കുന്ന, ദൈവികമായ, അചഞ്ചലമായ ഒന്നായി.
അഭൗമമായ സംഗീതമൊരുക്കിയ അജനീഷ് ലോക്‌നാഥിനും, ആത്മാവിനെ തൊട്ടുണര്‍ത്തുന്ന ഈ സൃഷ്ടിക്ക് ജന്മം നല്‍കിയ അതുല്യ പ്രതിഭ ഋഷഭ് ഷെട്ടിക്കും സങ്കല്‍പങ്ങളെ ദൃശ്യകാവ്യമാക്കി മാറ്റിയ അരവിന്ദ് എസ് കശ്യപിനും എന്റെ വിനീതമായ സമര്‍പ്പണമാണിത്.
ഒടുവിലായി, ഏറ്റവും പ്രിയപ്പെട്ട എന്റെ രാജാവ് രാജശേഖരന്- എന്റെ ഭര്‍ത്താവ് ജയറാമിന്, ആത്മാവില്‍ തങ്ങിനില്‍ക്കുന്ന ഈ മാന്ത്രികതയ്ക്ക് നിങ്ങള്‍ക്കെല്ലാവര്‍ക്കും നന്ദി’ എന്ന കുറിപ്പോടെയാണ് ഇൻസ്റ്റഗ്രാം പേജില്‍ വിഡിയോ പങ്കുവച്ചിരിക്കുന്നത്.
പാർവതിയുടെ ജീവിതപങ്കാളിയും പ്രിയനടനുമായ ജയറാം രാജശേഖര എന്ന രാജാവിന്റെ കഥാപാത്രത്തെയാണ് കാന്താര രണ്ടാം ഭാഗത്തിൽ അവതരിപ്പിച്ചത്.