കണ്ണിനു ചുറ്റുമുള്ള കറുപ്പും അകാലനരയും ചർമത്തിലുണ്ടാകുന്ന പാടുകളുമെല്ലാം പ്രതിരോധിച്ച് സൗന്ദര്യം നിലനിർത്താനുള്ള വഴികൾ ആയുർവേദത്തിലുണ്ട്.
. ഉറക്കമൊഴിയുക, മാനസിക സമ്മർദം, അമിതമായി സൂര്യതാപം ഏൽക്കുക, ശരീരത്തിന്റെ തളർച്ച, പോഷകാഹാരക്കുറവ്, തെറ്റായ ഭക്ഷണക്രമം, രാസവസ്തുക്കൾ അടങ്ങിയ സൗന്ദര്യ വർധക വസ്തുക്കളുടെ ഉപയോഗം, എന്നിവ കണ്ണിന് ചുറ്റും കറുപ്പ് നിറമുണ്ടാക്കുന്നു.
. കറുപ്പു കുറയാൻ ഉറക്കം ക്രമപ്പെടുത്തുകയാണ് ആദ്യം വേണ്ടത്. കുറഞ്ഞത് ഏഴ് – എട്ട് മണിക്കൂർ ഉറങ്ങണം.
. ചീര, മുരിങ്ങ, ഇലക്കറികൾ ധാരാളമായി ഭക്ഷണത്തിൽ ഉൾപ്പെടുത്തണം. പ്രോട്ടീൻ അടങ്ങിയ ധാന്യങ്ങൾ, നട്സ് മുതലായവയും കഴിക്കണം.
. കുങ്കുമാദി തൈലം, നാൽപ്പാമരാദി തൈലം, ഏലാദി േകരം പോലുള്ള ആയുർവേദ തൈലങ്ങൾ ഉപയോഗിച്ച് കണ്ണുകളുടെ ചുറ്റും മൃദുവായി മസാജ് ചെയ്യുക.
. തക്കാളി അരച്ച് നാരങ്ങാനീരും ചേർത്ത് പുരട്ടുക.
. ആയുർവേദ ഡോക്ടറുടെ നിർദേശാനുസരണം ന സ്യം പോലുള്ള ചികിത്സകൾ ഏറെ ഫലം ചെയ്യും.
. കറ്റാർവാഴ ജെൽ, വെള്ളരിക്ക, തക്കാളി, റോസ് വാട്ടർ ഇവ ചേർന്ന മിശ്രിതത്തിൽ മുക്കിയ പഞ്ഞി കൺതടങ്ങളുടെ മുകളിൽ വയ്ക്കുക.
. കംപ്യൂട്ടർ, ലാപ്ടോപ്, മൊബൈൽ സ്ക്രീൻ എന്നിവ അധികനേരം ഉപയോഗിക്കുമ്പോൾ ഇടയ്ക്കിടയ്ക്ക് ക ണ്ണുകൾ ചിമ്മി തുറക്കാൻ ശ്രദ്ധിക്കണം.