കിടന്നുറങ്ങുന്നതിനിടെ തലയിൽ ടിവി വീണ് രണ്ടു വയസ്സുകാരിയ്ക്ക് ദാരുണാന്ത്യം. ചെന്നൈയിലാണ് സംഭവം. മധർ മൊയ്ദീൻ - രേഷ്മ ദമ്പതികളുടെ മകൾ നസിയ ഫാത്തിമയാണ് മരിച്ചത്. ടിവി വച്ചിരുന്ന മേശയ്ക്കു സമീപം കിടന്നുറങ്ങുകയായിരുന്നു നസിയ.
ഇതിനിടെ മേശപ്പുറത്തേക്ക് പൂച്ച ചാടിയപ്പോഴുണ്ടായ കുലുക്കത്തിൽ ടിവി മറഞ്ഞു വീഴുകയായിരുന്നു. ഉടൻതന്നെ കിലുപാക്കിലെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. സംഭവത്തിൽ പൊലീസ് അന്വേഷണം തുടങ്ങി.
