1. മിഥ്യാധാരണ: ജീവിക്കാൻ രണ്ട് വൃക്ക ആവശ്യമാണ്
വസ്തുത: ശരിയല്ല! ഒരു വൃക്കയുമായി ആരോഗ്യകരമായ സാധാരണ ജീവിതം നയിക്കാൻ കഴിയും.നിങ്ങൾക്ക് ഒരു വൃക്കയാകാനുള്ള ചില കാരണങ്ങളുണ്ട്. 1,000 പേരിൽ ഒരാൾ ഒറ്റ വൃക്കയുമായി ജനിക്കുന്നു. ചിലർക്ക് ആരോഗ്യപരമായ കാരണങ്ങളാൽ ഒരെണ്ണം നീക്കം ചെയ്യേണ്ടിവരാം. ചിലർ അവരുടെ വൃക്കകളിൽ ഒന്ന് കുടുംബാംഗത്തിനോ സുഹൃത്തിനോ അപരിചിതർക്കോ ദാനം ചെയ്യുന്നു. മിക്കപ്പോഴും, ഒറ്റ വൃക്ക ഒരു പ്രശ്നവും ഉണ്ടാക്കില്ല. എന്നിരുന്നാലും നിങ്ങളുടെ വൃക്കയുടെ പ്രവർത്തനവും രക്തസമ്മർദ്ദവും നിരീക്ഷിക്കാൻ ഡോക്ടർ ആവശ്യപ്പെട്ടേക്കാം. ചിലർ ഒറ്റ വ്യക്കയുമായി ജനിക്കുന്നു. തങ്ങൾക്ക് ഒരു വൃക്കയേ ഉള്ളുവെന്ന് അവർ ഒരിക്കലും കണ്ടെത്തില്ല. സാധാരണയായി ഒരു പ്രത്യേക ഭക്ഷണക്രമം അല്ലെങ്കിൽ ജീവിതശൈലി ആവശ്യമില്ല.ഒറ്റ വൃക്കയുള്ളത് ഒരു വൃക്ക മാത്രം പ്രവർത്തിക്കുന്നതിൽ നിന്ന് വ്യത്യസ്തമാണ്. രണ്ട് വൃക്കകളുണ്ടെങ്കിലും അവയിലൊന്ന് മാത്രമേ നന്നായി പ്രവർത്തിക്കൂ എന്ന് അർത്ഥമാക്കുന്നു.
2. മിഥ്യാധാരണ- വൃക്കരോഗം അപൂർവമാണ്
വസ്തുത: വൃക്കരോഗം എത്രത്തോളം സാധാരണമാണെന്ന് അറിയുമ്പോൾ ആശ്ചര്യം തോന്നിയേക്കാം. 10% ഇന്ത്യക്കാർ വിട്ടുമാറാത്ത വൃക്കരോഗവും 40% പ്രമേഹ രോഗികൾ സികെഡിയും അനുഭവിക്കുന്നു. കാരണങ്ങൾ? ഉയർന്ന രക്തസമ്മർദ്ദം, പ്രമേഹം, കുടുംബത്തിൽ വൃക്ക തകരാറിൻ്റെ ചരിത്രം, 60 വയസ്സിനു മുകളിൽ പ്രായം എന്നിവ വൃക്കരോഗത്തിനുള്ള പ്രധാന അപകടസാധ്യതാ ഘടകങ്ങളാണ്.
3. മിഥ്യാധാരണ: വൃക്കയിലെ കല്ലുകൾ മാത്രമാണ് വൃക്ക രോഗത്തിന് കാരണമാകുന്നത്?
വസ്തുത: വൃക്കയിലെ കല്ലുകൾ സാധാരണമാണ്, ഇത് 10-ൽ ഒരാളെ ബാധിക്കുന്നു. രക്തത്തിലെ മാലിന്യ ഉൽപ്പന്നങ്ങൾ ക്രിസ്റ്റൽ രൂപത്തിലാവുകയും, വൃക്കകളിൽ ശേഖരിക്കപ്പെടുകയും ഒരുമിച്ച് ചേരുകയും ചെയ്യുമ്പോൾ അത് സംഭവിക്കുന്നു. ആവശ്യത്തിന് പാനീയങ്ങൾ കുടിക്കുന്നില്ലെങ്കിലോ അല്ലെങ്കിൽ ചില രോഗാവവസ്ഥകൾ ഉണ്ടെങ്കിലോ വൃക്കയിലെ കല്ലുകൾ ഉണ്ടാകാനുള്ള സാധ്യത കൂടുതലാണ്. ചെറിയ കല്ലുകൾ ഉണ്ടെങ്കിൽ, മൂത്രമൊഴിക്കുമ്പോൾ അവ ശ്രദ്ധയിൽപ്പെടാതെ തന്നെ പുറത്ത് പോയേക്കാം. എന്നാൽ വൃക്കയിലെ വലിയ കല്ലുകൾ വേദനയും ഛർദ്ദിയും ഉൾപ്പെടെയുള്ള ലക്ഷണങ്ങൾക്ക് കാരണമാകും. ചിലപ്പോൾ, പ്രവർത്തനത്തിലെ ആ സ്വാധീനം തുടരുകയും സികെഡി ഉണ്ടാകാനുള്ള അപകടസാധ്യത വർദ്ധിപ്പിക്കുകയും ചെയ്യുന്നു. അമിതഭാരം, പ്രമേഹം എന്നിവ വ്യക്കയിലെ കല്ലുകളുടെയും സികെഡിയുടെയും അപകടസാധ്യത വർദ്ധിപ്പിക്കുന്നു.
4. മിഥ്യാധാരണ :ധാരാളം വെള്ളം കുടിക്കുന്നത് വൃക്കയുടെ ആരോഗ്യം നിലനിർത്തു നിലനിർത്തുന്നു.
വസ്തുത: ആവശ്യത്തിന് വെള്ളം കുടിക്കുന്നത് ദൈനംദിന ആരോഗ്യത്തെ സഹായിക്കുന്നതിനുള്ള മികച്ച മാർഗ്ഗമാണെങ്കിലും ഇത് വൃക്കകളെ ആരോഗ്യകരമായി നിലനിർത്തുന്നതിനുള്ള ഒരു മാർഗ്ഗം മാത്രമാണ്. കൂടുതൽ വെള്ളം കുടിക്കുന്നത് നല്ലതാണെന്ന് ചിലർ കരുതുന്നു. എന്നാൽ ധാരാളം വെള്ളം കുടിക്കുന്നത് രക്തത്തിലെ സോഡിയത്തിൻറെ അളവ് കുറയുന്നതിന് കാരണമാകും. അതിനാൽ, ശരീരം ആരോഗ്യത്തോടെ നിലനിർത്താനും സന്തോഷത്തോടെയിരിക്കാനും വെള്ളം കുടിക്കുന്നത് പ്രധാനമാണ്. അത് അമിതമാകരുത്, ജലാംശം നിലനിർത്തുന്നതിനെ മാത്രം ആശ്രയിക്കരുത്.
5. മിഥ്യാധാരണ - മൂത്രമൊഴിക്കുന്നതിൽ പ്രശ്നങ്ങളില്ലെങ്കിൽ വൃക്കകൾ ആരോഗ്യമുള്ളതാണ്"
വസ്തുത- ഡയാലിസിസ് ചെയ്യുന്ന രോഗികളിൽ പോലും മൂത്രം ഉണ്ടാകുന്നു. തകരാറായ വൃക്കകൾ രക്തം ശരിയായി ശുദ്ധീകരിക്കുന്നില്ലെങ്കിലും മൂത്രം ഉണ്ടാക്കുന്നത് തുടരും. വൃക്കരോഗം യാതൊരു ലക്ഷണങ്ങളില്ലാതെ ഉണ്ടാകാം . നാഷണൽ കിഡ്നി ഫൗണ്ടഷൻ നിർദ്ദേശിച്ച പ്രകാരം രക്തം, മൂത്രം എന്നിവയുടെ പരിശോധന നടത്തുക മാത്രമാണ് വൃക്കരോഗമുണ്ടോ എന്ന് നിർണ്ണയിക്കാൻ കഴിയുന്ന ഏക മാർഗ്ഗം.
6. മിഥ്യാധാരണ: വൃക്കരോഗികൾക്ക് നടുവേദന ഉണ്ടാകും
വസ്തുത: അണുബാധയോ വൃക്കയുടെ തടസ്സമോ ഉണ്ടെങ്കിൽ വൃക്കരോഗം മൂലം നടുവ് വേദന ഉണ്ടാകാം. വ്യക്കരോഗത്തിൻ്റെ മറ്റ് രൂപങ്ങൾ അപൂർവ്വമായേ നടുവ് വേദന ഉണ്ടാക്കുന്നുള്ളൂ നടുവേദനയുണ്ടാകാനുള്ള ഏറ്റവും സാധാരണമായ കാരണം പേശികളുടെയോ നട്ടെല്ലി്യോ രോഗമാണ്. വൃക്കരോഗമല്ല. വൃക്കയുടെ ആവരണത്തിൽ വലിച്ചിൽ ഉണ്ടായാൽ മാത്രമേ വൃക്കയിൽ വേദന അനുഭവപ്പെടൂ. അതായത്, അണുബാധയിൽ നിന്നോ മൂത്രത്തിന്റെ ഒഴുക്ക് തടസ്സപ്പെടുന്നതിലൂടെയോ വൃക്കയിലെ കല്ല് പോലുള്ളവ) വൃക്കയിൽ വീക്കം സംഭവിക്കുന്നതിനാൽ, സാധാരണയായി ഉടലിൽ നിന്ന് പ്രസരിക്കുന്ന വേദന ഉണ്ടാകുകയും വശങ്ങളിലേക്ക് വരികയും നാഭിപ്രദേശത്ത് വേദനയുണ്ടാക്കുകയും ചെയ്യും.
7. മിഥ്യാധാരണ: വൃക്കരോഗത്തിൽ ഒന്നും ചെയ്യാനാകില്ല !
വസ്തുത: മിക്ക വൃക്കരോഗങ്ങളും തടയാൻ കഴിയും. ചില അപൂർവം അവസ്ഥകൾ നിങ്ങളുടെ വൃക്കകളെ തകരാറിലാക്കുന്നുണ്ടെങ്കിലും, പ്രമേഹം, ഉയർന്ന രക്തസമ്മർദ്ദം എന്നിവ ഓരോ 4 പുതിയ കേസുകളിൽ മൂന്നിലും വൃക്ക തകരാറിന് കാരണമാകുന്നു. ഇത്തരം അവസ്ഥകൾ നിയന്ത്രണവിധേയമാക്കുന്നത് വൃക്കരോഗം തടയാൻ സഹായിക്കും.
8. മിഥ്യാധാരണ: ഡയാലിസിസ് ആണ് വൃക്കരോഗത്തിനുള്ള ഏക ചികിത്സ
വസ്തുത: നിങ്ങളുടെ സ്വന്തം വൃക്കകൾക്ക് നിങ്ങളുടെ ശരീരത്തിൻറെ ആവശ്യങ്ങൾ പരിപാലിക്കാൻ കഴിയാത്തപ്പോൾ ഡയാലിസിസ് ചികിത്സ ആവശ്യമാണ്. നിങ്ങളുടെ വൃക്കയുടെ പ്രവർത്തനത്തിന്റെ 85 മുതൽ 90 ശതമാനം വരെ നഷ്ടപ്പെടുകയും, <15 GFR ഉണ്ടായിരിക്കുകയും ചെയ്ത് വൃക്ക അന്തിമ ഘട്ടത്തിലെ തകരാറിലെത്തുമ്പോൾ നിങ്ങൾക്ക് ഡയാലിസിസ് ആവശ്യമാണ്.
ഡോ. അബി എബ്രഹാം എം., ഡയറക്ടർ, നെഫ്രോളജി & റീനൽ ട്രാൻസ്പ്ലാന്റ് സർവീസസ്, വിപിഎസ് ലേക്‌ഷോർ ഹോസ്പിറ്റൽ, കൊച്ചി
