ബേസിന്
1. കുനാഫ വെര്‍മിസെല്ലി – 200 ഗ്രാം, നുറുക്കിയത്
പാല്‍പ്പൊടി – കാല്‍ കപ്പ്
പഞ്ചസാര പൊടിച്ചത് – കാല്‍ കപ്പ്
വെണ്ണ – 75 ഗ്രാം
2. നട്സ് നുറുക്കിയത് – പാകത്തിന്
ക്രീം ഫില്ലിങ്ങിന്
3. പാല്‍ – അര ലീറ്റര്‍
4. കോണ്‍ഫ്ളോര്‍ – മൂന്നു വലിയ സ്പൂണ്‍, അല്‍പം വെള്ളത്തില്‍ കലക്കിയത്
5. കണ്ടന്‍സ്ഡ് മില്‍ക്ക് – പാകത്തിന്
6. ക്രീംചീസ് – 200 ഗ്രാം
വൈറ്റ് കോംപൗണ്ട് ചോക്‌ലെറ്റ് – 50 ഗ്രാം
7. വനില എസ്സന്‍സ് – ഒരു ചെറിയ സ്പൂണ്‍
പാകം െചയ്യുന്ന വിധം
∙ പാനില്‍ ഒന്നാമത്തെ ചേരുവ യോജിപ്പിച്ച് ഇടത്തരം തീയില്‍ വച്ചു തുടരെയിളക്കി 10 മിനിറ്റ് റോസ്റ്റ് ചെയ്യുക. മിശ്രിതം ഗോള്‍ഡന്‍ ബ്രൗണ്‍ നിറമാകണം.
∙ ഇതിലേക്കു നട്സും ചേര്‍ത്തു വാങ്ങി മാറ്റി വയ്ക്കുക.
∙ ക്രീം ഫില്ലിങ് തയാറാക്കാന്‍ പാനില്‍ അര ലീറ്റര്‍ പാല്‍ ചൂടാക്കി തിളയ്ക്കും മുന്‍പ് കോണ്‍ഫ്ളോര്‍ കലക്കിയതു ചേര്‍ത്ത് കട്ട കെട്ടാതെ തുടരെയിളക്കണം.
∙ ഇതിലേക്കു കണ്ടന്‍സ്ഡ് മില്‍ക്ക് ചേര്‍ത്തു തുടരെയിളക്കുക. നന്നായി യോജിപ്പിച്ച ശേഷം ക്രീംചീസും വൈറ്റ് കോംപൗണ്ട് ചോക്‌ലെറ്റും ചേര്‍ത്തു തുടരെയിളക്കി അലിയിക്കണം.
∙ ഇതിലേക്കു വനില എസ്സന്‍സും ചേര്‍ത്തിളക്കി, മിശ്രിതം കുറുകുമ്പോള്‍ അടുപ്പില്‍ നിന്നു വാങ്ങി ചൂടാറാന്‍ വയ്ക്കണം.
∙ ഒരു ട്രേയില്‍ ആദ്യം കുനാഫ മിശ്രിതം നിരത്തുക. ഇതിനു മുകളില്‍ ക്രീം മിശ്രിതം നിരത്തണം. ഇങ്ങനെ പല ലെയറുകളായി വയ്ക്കുക. ഏറ്റവും മുകളില്‍ ക്രീം ലെയര്‍ വേണം വരാന്‍.
∙ നട്സും കുനാഫ നുറുക്കിയതും വിതറിയോ കണ്ടന്‍സ്ഡ് മില്‍ക്ക് തളിച്ചോ അലങ്കരിച്ചു രണ്ട്–മൂന്നു മണിക്കൂര്‍ ഫ്രിജില്‍ വച്ചു സെറ്റ് ചെയ്തു വിളമ്പാം.
തയാറാക്കിയത്: ശില്പ ബി. രാജ്, ഫോട്ടോ : അസീം കൊമാച്ചി. പാചകക്കുറിപ്പുകള്‍ക്കും ഫോട്ടോയ്ക്കു വേണ്ടി വിഭവങ്ങള്‍ തയാറാക്കിയതിനും കടപ്പാട്: സുമിന റഷീദ്, ആർട്ട് ഓഫ് ബേക്കിങ്, കണ്ണൂർ