തന്തൂരി ചിക്കൻ നഗറ്റ്സ്
1.ചിക്കൻ എല്ലില്ലാതെ – 400 ഗ്രാം, കഷണങ്ങളാക്കിയത്
2.വെളുത്തുള്ളി – അഞ്ച് അല്ലി
ഇഞ്ചി – അരയിഞ്ചു കഷണം
സവാള – രണ്ട്, അരിഞ്ഞത്
മല്ലിയില അരിഞ്ഞത് – കാൽ കപ്പ്
തന്തൂരി ചിക്കൻ മസാല – രണ്ടു വലിയ സ്പൂൺ
കശ്മീരി മുളകുപൊടി – ഒരു ചെറിയ സ്പൂൺ
കുരുമുളകുപൊടി – ഒരു ചെറിയ സ്പൂൺ
ചാട്ട് മസാല – അര ചെറിയ സ്പൂൺ
ഉപ്പ് – പാകത്തിന്
നാരങ്ങനീര് – രണ്ടു വലിയ സ്പൂൺ
എണ്ണ – ഒരു വലിയ സ്പൂൺ
മുട്ട – ഒന്ന്
ബ്രെഡ് – നാലു സ്ലൈസ്
3.മുട്ട – ഒന്ന്
4.ഉപ്പ്, കുരുമുളകുപൊടി – പാകത്തിന്
5.ബ്രെഡ് പൊടിച്ചത് – പാകത്തിന്
6.തന്തൂരി ചിക്കൻ മസാല – ഒരു വലിയ സ്പൂൺ
മുളകുപൊടി – ഒരു ചെറിയ സ്പൂൺ
ഉപ്പ് – ഒരു നുള്ള്
7.എണ്ണ – വറുക്കാൻ ആവശ്യത്തിന്
പാകം ചെയ്യുന്ന വിധം
∙ചിക്കനിൽ രണ്ടാമത്തെ ചേരുവ ചേർത്ത് അരയ്ക്കണം.
∙മുട്ട ഉപ്പും കുരുമുളകുപൊടിയും ചേർത്ത് അടിച്ചു വയ്ക്കണം.
∙ബ്രെഡ് പൊടിച്ചതിൽ ആറാമത്തെ ചേരുവ ചേർത്തു യോജിപ്പിച്ചു വയ്ക്കുക.
∙കൈ വെള്ളയിൽ അൽപം എണ്ണ പുരട്ടി ചിക്കന്‍ മിശ്രിതത്തിൽ നിന്നും അൽപം എടുത്ത് നഗറ്റിന്റെ ആകൃതിയിൽ ആക്കുക.
∙ഇത് മുട്ട അടിച്ചതിൽ മുക്കി ബ്രെഡ് പൊടിച്ചതിൽ പൊതിഞ്ഞു ചൂടായ എണ്ണയിൽ വറുത്തു കോരാം.
