മാമ്പഴ പുളിശ്ശേരി
1.ചെറിയ നാട്ടുമാമ്പഴം – അഞ്ച്
2.തേങ്ങ – ഒരു മുറി, ചുരുണ്ടിയത്
മുളകുപൊടി – ഒരു ചെറിയ സ്പൂൺ
മഞ്ഞൾപ്പൊടി – അര ചെറിയ സ്പൂൺ
ജീരകം – അര ചെറിയ സ്പൂൺ
3.നെയ്യ് – രണ്ടു വലിയ സ്പൂൺ
4.ശർക്കര – ഒരു ചെറിയ കഷണം
5.തൈര് – അര ലിറ്റർ
ഉപ്പ് – പാകത്തിന്
6.നെയ്യ് – ഒരു വലിയ സ്പൺ
7.കടുക് – അര ചെറിയ സ്പൂൺ
വറ്റൽമുളക് – മൂന്ന്, ഓരോന്നും രണ്ടാക്കിയത്
ചുവന്നുള്ളി – രണ്ട്, വട്ടത്തിൽ അരിഞ്ഞത്
ഉലുവ – ഒരു നുള്ള്
കറിവേപ്പില – രണ്ടു തണ്ട്
പാകം ചെയ്യുന്ന വിധം
∙മാമ്പഴം അറ്റം മുറിച്ചു മാറ്റി നന്നായി കഴുകി വെള്ളത്തിലിട്ടു വേവിച്ചു തൊലി കളഞ്ഞു വയ്ക്കുക.
∙രണ്ടാമത്തെ ചേരുവ മയത്തിൽ അരച്ചു വയ്ക്കുക.
∙ചട്ടിയിൽ നെയ്യ് ചൂടാക്കി മാമ്പഴവും ശർക്കരയും ചേർത്തു നന്നായി വരട്ടുക. ഇതിൽ അരപ്പു ചേർത്തിളക്കുക.
∙തൈര് ഉപ്പു ചേർത്തുടച്ച് മാമ്പഴക്കൂട്ടിൽ ചേർത്തിളക്കുക.
∙നെയ്യ് ചൂടാക്കി ഏഴാമത്തെ ചേരുവ ചേർത്തു താളിച്ചു കറിയിൽ ചേർത്തു ചൂടാക്കി തിളയ്ക്കും മുമ്പു വാങ്ങുക.
