സവാള വറുത്തരച്ച കേഴിക്കറി
1.ചിക്കൻ – ഒന്ന്
2.എണ്ണ – പാകത്തിന്
3.സവാള – രണ്ട്, നീളത്തിൽ അരിഞ്ഞത്
4.ചുവന്നുള്ളി അരിഞ്ഞത് – അരക്കപ്പ്
വെളുത്തുള്ളി – നാല് അല്ലി
ഇഞ്ചി – ഒരിഞ്ചു കഷണം
ഗരംമസാലപ്പൊടി – ഒരു ചെറിയ സ്പൂൺ
മുളകുപൊടി – മൂന്നു ചെറിയ സ്പൂൺ
മല്ലിപ്പൊടി – മൂന്നു ചെറിയ സ്പൂൺ
മഞ്ഞൾപ്പൊടി – ഒരു നുള്ള്
പച്ചമുളക് – രണ്ട്
കറുവാപ്പട്ട – ഒരു കഷണം
ഉപ്പ് – പാകത്തിന്
5.മല്ലിയില – പാകത്തിന്
പാകം ചെയ്യുന്ന വിധം
∙ചിക്കൻ കഴുകി വൃത്തിയാക്കി ചെറിയ കഷണങ്ങളാക്കി വയ്ക്കുക.
∙പാനിൽ എണ്ണ ചൂടാക്കി സവാള ചേർത്തു വറുക്കുക. ചുവപ്പു നിറമാകുമ്പോൾ കോരി പകുതി മാറ്റി വച്ച ശേഷം ബാക്കി സവാള നാലാമത്തെ ചേരുവ ചേർത്ത് അരയ്ക്കണം.
∙ചീനച്ചട്ടിയിൽ എണ്ണ ചൂടാക്കി അരപ്പു ചേർത്തു വഴറ്റുക.മൂത്തമണം വരുമ്പോൾ വറുത്തു വച്ചിരിക്കുന്ന സവാളയും ചിക്കനും പാകത്തിനുപ്പും വെള്ളവും ചേർത്തു വേവിക്കുക.
∙ചാറു നന്നായി കുറുകുമ്പോൾ വാങ്ങി മല്ലിയില വിതറി ഉപയോഗിക്കാം.
