ഫോട്ടോ : വിഷ്ണു നാരായണൻ, ഫോട്ടോയ്ക്കു വേണ്ടി വിഭവങ്ങള്‍ തയാറാക്കിയത് : ജോസ് മാത്യു, മലയാള മനോരമ, കൊച്ചി.
1. ബേബി പൊട്ടേറ്റോ – 250 ഗ്രാം
2. ഉപ്പ് – പാകത്തിന്
3. വെള്ളം – പാകത്തിന്
4. വെളുത്തുള്ളി – 12 അല്ലി
മല്ലി – ഒരു വലിയ സ്പൂണ്‍
മുളകുപൊടി – ഒരു വലിയ സ്പൂണ്‍
കായം – ഒരു നുള്ള്
5. എണ്ണ – പാകത്തിന്
6. സവാള – ഒരു വലുത്, പൊടിയായി അരിഞ്ഞത്
7. മല്ലിയില പൊടിയായി അരിഞ്ഞത് – കാല്‍ കപ്പ്
പാകം ചെയ്യുന്ന വിധം
∙ ബേബി പൊട്ടേറ്റോ ഉപ്പിട്ട വെള്ളത്തില്‍ വേവിച്ചു തൊലി കളഞ്ഞു വയ്ക്കുക.
∙ നാലാമത്തെ ചേരുവ ഉപ്പു ചേര്‍ത്ത് അരച്ചു മാറ്റിവയ്ക്കണം.
∙ പാനില്‍ എണ്ണ ചൂടാക്കി സവാള വഴറ്റിയ ശേഷം അരപ്പു ചേര്‍ത്തു നന്നായി വഴറ്റുക.
∙ ഇതിലേക്ക് ബേബി പൊട്ടേറ്റോ ചേര്‍ത്തു ചെറുതീയില്‍ വച്ച് നന്നായി ഇളക്കണം.
∙ മല്ലിയില കൊണ്ടലങ്കരിച്ചു വിളമ്പാം.
