സ്പെഷൽ ആവോലി ഫ്രൈ
1.ആവോലി – ഒന്ന്
2.വറ്റൽമുളക് – നാല്
വെളുത്തുള്ളി – പത്ത് അല്ലി
ജീരകം – ഒരു ചെറിയ സ്പൂൺ
കറിവേപ്പില – ഒരു തണ്ട്
കുരുമുളക് – ഒരു ചെറിയ സ്പൂൺ
വാളൻപുളി പിഴിഞ്ഞത് – ഒരു വലിയ സ്പൂൺ
3.ഉപ്പ് – പാകത്തിന്
കോൺഫ്ളോർ – ഒരു വലിയ സ്പൂൺ
കശ്മീരി മുളകുപൊടി – ഒരു വലിയ സ്പൂൺ
മല്ലിപ്പൊടി – ഒരു വലിയ സ്പൂൺ
മഞ്ഞൾപ്പൊടി – അര ചെറിയ സ്പൂൺ
നാരങ്ങാനീര് – ഒരു വലിയ സ്പൂൺ
4.എണ്ണ – മൂന്നു വലിയ സ്പൂൺ
5.കറിവേപ്പില – ഒരു തണ്ട്
പാകം ചെയ്യുന്ന വിധം
∙ആവോലി കഴുകി വൃത്തിയാക്കി വരഞ്ഞു വയ്ക്കുക.
∙മിക്സിയുടെ ജാറിൽ രണ്ടാമത്തെ ചേരുവ നന്നായി അരയ്ക്കണം.
∙ഇതിലേക്കു മൂന്നാമത്തെ ചേരുവ ചേർത്തു യോജിപ്പിച്ച് മീനിൽ പുരട്ടി അരമണിക്കൂർ വയ്ക്കുക.
∙പാനിൽ എണ്ണ ചൂടാക്കി കറിവേപ്പില വിതറി പുരട്ടി വച്ചിരിക്കുന്ന മീൻ ചേർത്തു വറുത്തു കോരി ചൂടോടെ വിളമ്പാം.
