മീൻകറി
1. വറ്റ/പരവ - ഒരു കിലോ
2. തേങ്ങ ചുരണ്ടിയത് - ഒന്നരക്കപ്പ്
വറ്റൽമുളക് - പത്ത്
മഞ്ഞൾപ്പൊടി - ഒരു ചെറിയ സ്പൂൺ
ചുവന്നുള്ളി - മൂന്ന്
3. ഉപ്പ് - പാകത്തിന്
4. പച്ചമുളക് - നാല്, കീറിയത്
ഇഞ്ചി - ഒരു ചെറിയ കഷണം, അരിഞ്ഞത്
5. കറിവേപ്പില - ഒരു തണ്ട്
6. വാളൻപുളി - ഒരു ചെറുനാരങ്ങാ വലുപ്പത്തിൽ
7. കറിവേപ്പില - ഒരു തണ്ട്
വെളിച്ചെണ്ണ - ഒരു വലിയ സ്പൂൺ
പാകം ചെയ്യുന്ന വിധം
∙ മീൻ വെട്ടിക്കഴുകി വൃത്തിയാക്കി വയ്ക്കുക.
∙ രണ്ടാമത്തെ ചേരുവ തരുതരുപ്പായി അരയ്ക്കുക. ഈ അരപ്പ് രണ്ടു കപ്പ് വെള്ളത്തിൽ കലക്കി ചട്ടിയിലൊഴിച്ച് ഉപ്പു ചേർത്തു തിളപ്പിക്കണം.
∙ ഇതിൽ ഇഞ്ചിയും പച്ചമുളകും ചേർത്തു തിളയ്ക്കുമ്പോൾ മീനും കറിവേപ്പിലയും ചേർക്കുക. നന്നായി തിളയ്ക്കുമ്പോൾ വെള്ളത്തിൽ കുതിർത്തു പിഴിഞ്ഞ പുളി അരിച്ചു ചേർക്കണം. ചട്ടി മൂടി വച്ചു ചെറുതീയിൽ വേവിക്കണം. .
∙ മീൻ വെന്തു ചാറ് പാകത്തിനു കുറുകുമ്പോൾ കറിവേപ്പിലയും വെളിച്ചെണ്ണയും ചേർത്ത് ചട്ടി ഒന്ന് ചുറ്റിച്ച ശേഷം അടുപ്പിൽ നിന്നു വാങ്ങി ചൂടോടെ വിളമ്പാം.
