മേത്തി ഫിഷ് ടിക്ക
1. മീൻ, മുള്ളില്ലാതെ - അരക്കിലോ, ഒരിഞ്ചു ചതുരക്കഷണങ്ങളാക്കിയത്
2. നാരങ്ങാനീര് - രണ്ടു ചെറിയ സ്പൂൺ
ഉപ്പ് - അര ചെറിയ സ്പൂൺ
കുരുമുളകുപൊടി - അര ചെറിയ സ്പൂൺ
എണ്ണ - രണ്ടു വലിയ സ്പൂൺ
3. മല്ലിയില - അരക്കപ്പ്
കസൂരി മേത്തി - രണ്ടു വലിയ സ്പൂൺ
പെരുംജീരകം - ഒരു ചെറിയ സ്പൂൺ
വെളുത്തുള്ളി - മൂന്ന്
ഇഞ്ചി - കാൽ ഇഞ്ചു കഷണം
പച്ചമുളക് - ഒന്ന്
നാരങ്ങാനീര് - ഒരു വലിയ സ്പൂൺ
4. കട്ടത്തൈര് - അരക്കപ്പ്
കോൺഫ്ലോർ - ഒരു ചെറിയ സ്പൂൺ
എണ്ണ - രണ്ടു ചെറിയ സ്പൂൺ
ഓമം - അര ചെറിയ സ്പൂൺ
5. വെണ്ണ - രണ്ടു വലിയ സ്പൂൺ
കസൂരി മേത്തി - ഒരു ചെറിയ സ്പൂൺ
പാകം െചയ്യുന്ന വിധം
∙ മീൻ കഷണങ്ങളിൽ നാരങ്ങാനീര്, ഉപ്പ്, കുരുമുളകുപൊടി എന്നിവ പുരട്ടി 15 മിനിറ്റ് വയ്ക്കുക.
∙ മൂന്നാമത്തെ ചേരുവ മയത്തിൽ അരച്ച്, നാലാമത്തെ ചേരുവയുമായി യോജിപ്പിക്കുക.
∙ ഈ മിശ്രിതവും മീനുമായി യോജിപ്പിച്ച്, അരമണിക്കൂർ എങ്കിലും വയ്ക്കുക.
∙ അവ്ൻ 1800C ൽ ചൂടാക്കിയിടുക.
∙ പുരട്ടി വച്ചിരിക്കുന്ന മീൻ ചൂടാക്കിയിട്ടിരിക്കുന്ന അവ്നിൽ വച്ച് 12 മിനിറ്റ് ഗ്രിൽ ചെയ്യുക.
∙ അഞ്ചാമത്തെ ചേരുവ യോജിപ്പിച്ചത്, ഗ്രിൽ ചെയ്ത മീൻ കഷണങ്ങളിൽ പുരട്ടി, വീണ്ടും രണ്ടു മിനിറ്റ് ഗ്രിൽ ചെയ്യുക.
∙ ഈ ടിക്ക, തവയിലും ചുട്ടെടുക്കാം.
∙ തവയിൽ ചുടുമ്പോൾ കസൂരിമേത്തി, വെണ്ണ മിശ്രിതം ഇടയ്ക്കിടെ പുരട്ടണം.
