മുട്ട ബജി
1.കോഴിമുട്ട – മൂന്ന്
2.കടലമാവ് – അരക്കപ്പ്
അരിപ്പൊടി – ഒരു വലിയ സ്പൂൺ
സോഡാപ്പൊടി – ഒരു നുള്ള്
3.വെള്ളം – കാൽ കപ്പ്
4.എണ്ണ – ഒരു ചെറിയ സ്പൂൺ
5.ചുവന്നുള്ളി പൊടിയായി അരിഞ്ഞത് – രണ്ടു വലിയ സ്പൂൺ
പച്ചമുളക് പൊടിയായി അരിഞ്ഞത് – ഒരു വലിയ സ്പൂൺ
ഇഞ്ചി പൊടിയായി അരിഞ്ഞത് – ഒരു ചെറിയ സ്പൂൺ
കറിവേപ്പില പൊടിയായി അരിഞ്ഞത് – ഒരു വലിയ സ്പൂൺ
ജീരകം – അര ചെറിയ സ്പൂൺ
ഉപ്പ് – ഒരു നുള്ള്
പാകം ചെയ്യുന്ന വിധം
മുട്ട പുഴുങ്ങി നീളത്തിൽ നാലായി കീറി വയ്ക്കുക.
രണ്ടാമത്തെ ചേരുവ യോജിപ്പിച്ച് ഇടഞ്ഞതിൽ വെള്ളം ചേർത്തു കുറുകെ കലക്കണം.
ഇതിൽ എണ്ണ ചേർത്തിളക്കി വയ്ക്കുക. ഈ മാവിലേക്ക് അഞ്ചാമത്തെ ചേരുവ ചേർത്തിളക്കി യോജിപ്പിക്കണം.
മുട്ട നാലായി കീറിയത് ഈ മാവിൽ ചേർത്തു പൊടിഞ്ഞു പോകാതെ മാവിൽ പൊതിഞ്ഞെടുത്ത് ഓരോ സ്പൂൺ വീതം ചൂടായ എണ്ണയിലിട്ടു ചുവക്കെ വറുത്തു കോരുക.
സോസോ ചമ്മന്തിയോ ചേർത്തു കഴിക്കാം.
കടപ്പാട്
അമ്മു മാത്യു