ഒരു ഉരുളക്കിഴങ്ങ് ഉണ്ടെങ്കിൽ പാത്രം നിറയെ പലഹാരം. ഇതാ വെറൈറ്റി റെസിപ്പി....
ചേരുവകൾ
∙ഉരുളകിഴങ്ങ് – 1
∙കോളിഫ്ലവർ – ½ കപ്പ്
∙സവാള – 1
∙ഇഞ്ചി വെളുത്തുള്ളി പേസ്റ്റ് – 1ടീസ്പൂൺ
∙കായംപൊടി – ½ ടീസ്പൂൺ
∙മുളകുപൊടി – 1ടേബിൾ സ്പൂൺ
∙കടലമാവ് – ½ കപ്പ്
∙അരിപൊടി – 1ടീസ്പൂൺ
∙ഉപ്പ് – ആവശ്യത്തിന്
∙വെളിച്ചെണ്ണ - പാകത്തിന്
തയാറാക്കുന്ന വിധം
ഒരു പാത്രത്തിൽ ഉരുളക്കിഴങ്ങ് ചീകി എടുത്തതും, കോളിഫ്ലവർ, സവാള, ഇഞ്ചി വെളുത്തുള്ളി പേസ്റ്റ്, കായംപൊടി, മുളകുപൊടി, കടലമാവ്, അരിപൊടി, ഉപ്പ് എന്നിവ ചേർത്ത് നന്നായി യോജിപ്പിക്കുക.
∙ചൂടായ വെളിച്ചെണ്ണയിൽ ചെറിയ ഉരുളകളാക്കി ഇട്ട് ഗോൾഡൺ ബ്രൗൺ ആയാൽ വറുത്ത് കോരുക. സ്നാക്ക്സ് തയാർ.
