കുട്ടികളുടെ വയറു നിറയ്ക്കാന്‍ ഇതു മതി; സൂപ്പര്‍ ഹെല്‍ത്തിയാണ് ഈ സ്പിനച്ച് പാൻകേക്ക്!

1.    ബേസിക് പാൻ കേക്ക് മിശ്രിതം – പാകത്തിന്

ഫില്ലിങ്ങിന്

2.    ഒലിവ് ഓയിൽ  – രണ്ടു വലിയ സ്പൂൺ

3.    സവാള – ഒരു ചെറുത്,         പൊടിയായി അരിഞ്ഞത്

4.    സ്പ്രിങ് അണിയൻ – ഒരു ചെറിയ  കെട്ട്, പൊടിയായി അരിഞ്ഞത്

    സെലറി പൊടിയായി അരിഞ്ഞത്         – ഒരു വലിയ സ്പൂൺ

    ചോളം – അരക്കപ്പ്

    പാലക്ക് ചീര – ഒരു ചെറിയ കെട്ട്,         പൊടിയായി അരിഞ്ഞത്

    ചിക്കൻ െബ്രസ്റ്റ് – രണ്ട്, വേവിച്ചു         ചെറിയ ചതുരക്കഷണങ്ങളാക്കിയത്

5.    ബേസില്‍ ലീവ്സ് – അൽപം 

6.    സവർ ക്രീം – പാകത്തിന്

പാകം ചെയ്യുന്ന വിധം

∙  പാൻകേക്ക് മിശ്രിതം കൊണ്ടു പാൻകേക്ക് തയാറാക്കി മാറ്റി വയ്ക്കുക.

∙ ഫില്ലിങ് തയാറാക്കാൻ ഒലിവ് ഓയിൽ ചൂടാക്കി സവാള വഴറ്റുക. ഇതിലേക്കു നാലാമത്തെ ചേരുവ ചേർത്തിളക്കിയ ശേഷം ബേസിൽ ലീവ്സ് ചേർക്കണം. അടുപ്പിൽ നിന്നു വാങ്ങി ഉപ്പും ചേർക്കുക. എരിവു വേണമെങ്കി ൽ ഒന്നോ രണ്ടോ മുളകരിഞ്ഞു ചേർക്കാം.

∙ ഇനി തയാറാക്കി വച്ചിരിക്കുന്ന പാൻകേക്ക് ഓരോന്നു വീതമെടുത്ത്, അതിന്റെ ഒരു പകുതിയിൽ അല്പം സവർ ക്രീം പുരട്ടി മുകളിൽ ചിക്കൻ മിശ്രിതം വച്ചു, മറു പകുതി കൊണ്ടു മൂടുക. സവർ ക്രീമിനൊപ്പം വിളമ്പാം.

റെസിപ്പി: Bina Mathew