പനീർ മസാല
1.പനീർ – 200 ഗ്രാം
2.കട്ടത്തൈര് – ഒരു കപ്പ്
ഉപ്പ് – പാകത്തിന്
മഞ്ഞൾപ്പൊടി – കാൽ ചെറിയ സ്പൂൺ
കശ്മീരി മുളകുപൊടി – ഒരു ചെറിയ സ്പൂൺ
മല്ലിപ്പൊടി – ഒരു ചെറിയ സ്പൂൺ
ഗരംമസാലപ്പൊടി – ഒരു ചെറിയ സ്പൂൺ
ജീരകംപൊടി – അര ചെറിയ സ്പൂൺ
കുരുമുളകുപൊടി – അര ചെറിയ സ്പൂൺ
3.എണ്ണ – രണ്ടു വലിയ സ്പൂൺ
4.സവാള – രണ്ട്, അരിഞ്ഞത്
ഇഞ്ചി – ഒരു ചെറിയ കഷണം
വെളുത്തുള്ളി – നാല് അല്ലി
പച്ചമുളക് – രണ്ട്
കശുവണ്ടിപ്പരിപ്പ് – എട്ട്
5.മല്ലിയില – അരക്കപ്പ്
6.വെണ്ണ – രണ്ടു ചെറിയ സ്പൂൺ
7.ജീരകം – കാൽ ചെറിയ സ്പൂൺ
ഏലയ്ക്ക – ഒന്ന്
ബേ ലീഫ് – ഒന്ന്
കറുവാപ്പട്ട – ഒരു കഷണം
8.കസൂരി മേത്തി – അര ചെറിയ സ്പൂൺ
പാകം ചെയ്യുന്ന വിധം
∙പനീർ കഷണങ്ങളാക്കി വയ്ക്കണം.
∙ഒരു ബൗളിൽ രണ്ടാമത്തെ ചേരുവ യോജിപ്പിച്ചു വയ്ക്കുക.
∙പാനിൽ എണ്ണ ചൂടാക്കി നാലാമത്തെ ചേരുവ വഴറ്റണം.
∙മല്ലിയിലയും ചേർത്തിളക്കി വാങ്ങി മിക്സിയിൽ മയത്തിൽ അരച്ചു മാറ്റി വയ്ക്കണം.
∙പാനിൽ വെണ്ണ ചൂടാക്കി ഏഴാമത്തെ ചേരുവ വഴറ്റണം.
∙പച്ചമണം മാറുമ്പോൾ സവാള മിശ്രതവും തൈരു മിശ്രിതവും ചേർത്തിളക്കി തിളയ്ക്കുമ്പോൾ പനീർ കഷണങ്ങളും ചേർത്തിളക്കി വേവിക്കണം.
∙കസൂരി മേത്തി ചേർത്തിളക്കി വാങ്ങാം.
