ആരോഗ്യപ്രദമായ സാലഡും ഫ്രിറ്റേഴ്സും; കാരറ്റ് കൊണ്ട് രണ്ടു കിടിലന്‍ വിഭവങ്ങള്‍

കാരറ്റ് സെലറി സാലഡ്

1.    കട്ടത്തൈര്– മുക്കാൽ കപ്പ്

    ഉപ്പ് – അര ചെറിയ സ്പൂൺ

    വെളുത്ത കുരുമുളകുപൊടി         – കാൽ ചെറിയ സ്പൂൺ

    പഞ്ചസാര പൊടിച്ചത്         – അര ചെറിയ സ്പൂൺ

    കടുകുപൊടി         – കാൽ ചെറിയ സ്പൂൺ

    ഒലിവ് ഒായിൽ         – ഒരു വലിയ സ്പൂൺ

2.    കാരറ്റ് കനം കുറച്ച് അരിഞ്ഞത്        – മൂന്നു കപ്പ്

    സെലറി പൊടിയായി         അരിഞ്ഞത് – അരക്കപ്പ്

    ഉണക്കമുന്തിരി         – രണ്ടു വലിയ സ്പൂൺ  

3.    വോൾനട്ട് പൊടിയായി         അരിഞ്ഞത് – അരക്കപ്പ്

4.    വോൾനട്ട് അരിഞ്ഞത്         – ഒരു വലിയ സ്പൂൺ

പാകം ചെയ്യുന്ന വിധം

∙    ബൗളിൽ ഒന്നാമത്തെ ചേരുവ യോജിപ്പിച്ചു വയ്ക്കുക.

∙    മറ്റൊരു ബൗളിൽ രണ്ടാമത്തെ ചേരുവ യോജിപ്പിച്ചു തൈരു മിശ്രിതം ചേർത്തു മെല്ലേ കുടഞ്ഞു യോജിപ്പിക്കുക.

∙    ഇതിൽ വോൾനട്ട്  മെല്ലേ ചേർത്തു   യോജിപ്പിച്ച ശേഷം വിളമ്പാനുള്ള പാത്രത്തിലാക്കുക. വോൾനട്ട്  കൊണ്ട് അലങ്കരിച്ചു വിളമ്പാം.

കാരറ്റ് ഫ്രിറ്റേഴ്സ്

1.    കാരറ്റ് – നാലു വലുത്,         ഗ്രേറ്റ് ചെയ്തത്

    മല്ലിയില അരിഞ്ഞത്         – രണ്ടു വലിയ സ്പൂൺ 

    പച്ചമുളക് പൊടിയായി         അരിഞ്ഞത്         – അര ചെറിയ സ്പൂൺ

    ചൈവ്സ് അരിഞ്ഞത്         - അര ചെറിയ സ്പൂൺ

2.    ചെഡ്ഡർ ചീസ്         ഗ്രേറ്റ് ചെയ്തത് – അരക്കപ്പ്

    പൊട്ടേറ്റോ ഫ്ളേക്ക്സ്        – മൂന്നു വലിയ സ്പൂൺ

    ഗോതമ്പുപൊടി         – രണ്ടു വലിയ സ്പൂൺ

    ഉപ്പ് – കാൽ ചെറിയ സ്പൂൺ

3.    എണ്ണ – രണ്ടു വലിയ സ്പൂൺ

പാകം ചെയ്യുന്ന വിധം

∙    ഒരു ബൗളിൽ ഒന്നാമത്തെ ചേരുവ യോ ജിപ്പിച്ചു മുകളിൽ രണ്ടാമത്തെ ചേരുവ വിതറി മെല്ലേ കുഴച്ചു െചറുനാരങ്ങ വലുപ്പമുള്ള ഉരുളകളാക്കുക. 

∙    ഓരോ ഉരുളയും കൈവെള്ളയിൽ വച്ചു മെല്ലേ ഒന്ന് അമർത്തി വട ആ കൃതിയിലാക്കണം.

∙    പാനിൽ എണ്ണ ചൂടാക്കി കാരറ്റ് വടകൾ ചെറുതീയിൽ മെല്ലേ തിരിച്ചും മറിച്ചുമിട്ടു ഗോൾഡൻ നിറമാകും വരെ വറുത്തു കോരി കിച്ചൺ പേപ്പറിൽ വയ്ക്കുക. 

∙    അധികം ഇളക്കിയാൽ പൊടിഞ്ഞു പോകും.

∙    ചൂടോടെ സോസിനൊപ്പം വിളമ്പാം.

റെസിപ്പി- Durga Chellaram