സോയാചങ്സ് ഉലർത്ത്
1.സോയാചങ്സ് – 200 ഗ്രാം
2.എണ്ണ – വറുക്കാൻ ആവശ്യത്തിന്
3.വെളിച്ചെണ്ണ – മൂന്നു വലിയ സ്പൂൺ
4.സവാള നീളത്തിൽ അരിഞ്ഞത് – ഒരു കപ്പ്
പച്ചമുളക് – അഞ്ച്, നീളത്തിൽ അരിഞ്ഞത്
ഇഞ്ചി – ഒരു കഷണം, കനം കുറച്ച് നീളത്തിൽ അരിഞ്ഞത്
വെളുത്തുള്ളി ചതച്ചത് – രണ്ടു വലിയ സ്പൂൺ
കറിവേപ്പില – ഒരു തണ്ട്
ഉപ്പ് – പാകത്തിന്
5.മുളകുപൊടി – അര വലിയ സ്പൂൺ
മല്ലിപ്പൊടി – ഒരു വലിയ സ്പൂൺ
മഞ്ഞൾപ്പൊടി, മീറ്റ് മസാല, കുരുമുളകുപൊടി – ഓരോ ചെറിയ സ്പൂൺ
പാകം ചെയ്യുന്ന വിധം
∙സോയാചങ്സ് കഴുകിയ ശേഷം കുതിർത്തു നന്നായി പിഴിഞ്ഞു വയ്ക്കുക.
∙ചട്ടിയിൽ എണ്ണ ചൂടാക്കി സോയാചങ്സ് വറഉത്തു കോരണം.
∙ചട്ടിയിൽ നിന്ന് എണ്ണ മാറ്റിയ ശേഷം വെളിച്ചെണ്ണ ഒഴിച്ച് നാലാമത്തെ ചേരുവ വഴറ്റുക.
∙ഇതിലേക്ക് അഞ്ചാമത്തെ ചേരുവ ചേർത്തു നന്നായി വലറ്റിയ ശേഷം സോയാചങ്സും അൽപം വെള്ളവും ചേർത്തു പ്രഷർ കുക്കറിൽ വേവിക്കണം.
∙വെന്ത ശേഷം തിരികെ ചട്ടിയിലാക്കി വെള്ളം വറ്റിച്ച് ഉലർത്തിയെടുക്കുക.
