ചിക്കൻ പോപ്കോൺ
1.ചിക്കൻ, എല്ലില്ലാതെ – അരക്കിലോ
2.കശ്മീരി മുളകുപൊടി – ഒരു വലിയ സ്പൂൺ
ഇഞ്ചി–വെളുത്തുള്ളി പേസ്റ്റ് – അര വലിയ സ്പൂൺ
ഉപ്പ് – പാകത്തിന്
കുരുമുളകുപൊടി – അര വലിയ സ്പൂൺ
സോയ സോസ് – ഒരു വലിയ സ്പൂൺ
നാരങ്ങാനീര് – ഒരു ചെറിയ സ്പൂൺ
പാൽ – കാല് കപ്പ്
3.മുട്ട – ഒന്ന്
4.മൈദ – ഒരു കപ്പ്
കോൺഫ്ളോർ – അരക്കപ്പ്
ഗാർലിക് പൗഡർ – ഒരു ചെറിയ സ്പൂൺ
കശ്മീരി മുളകുപൊടി – അര വലിയ സ്പൂൺ
ഉപ്പ് – പാകത്തിന്
5.തണുത്ത വെള്ളം – പാകത്തിന്
6.എണ്ണ – വറുക്കാൻ ആവശ്യത്തിന്
പാകം ചെയ്യുന്ന വിധം
∙ചിക്കൻ ചെറിയ കഷണങ്ങളാക്കി മുറിച്ചു വയ്ക്കുക.
∙ഒരു ബൗളിൽ രണ്ടാമത്തെ ചേരുവ നന്നായി യോജിപ്പിച്ചു ചിക്കനും ചേർത്തു രണ്ടു മണിക്കൂർ മാറ്റി വയ്ക്കുക.
∙മുട്ട നന്നായി അടിച്ചു ചിക്കനിൽ ചേർത്തു.യോജിപ്പിക്കുക.
∙മറ്റൊരു ബൗളിൽ നാലാമത്തെ ചേരുവ യോജിപ്പിച്ചു വയ്ക്കുക.
∙ചിക്കൻ കഷണങ്ങൾ ഓരോന്നായി എടുത്ത് മൈദ മിശ്രിതത്തിൽ പൊതിയുക.
∙ഇത് ഉടൻ തന്നെ തണുത്ത വെള്ളത്തിൽ മുക്കി വീണ്ടും മൈദ മിശ്രിതത്തൽ പൊതിയണം.
∙ഇങ്ങനെ രണ്ടോ മൂന്നോ തവണ ചെയ്യണം.
∙ശേഷം ചൂടായ എണ്ണയിൽ വറുത്തു കോരാം.
∙ചിക്കൻ പോപ്കോൺ തയ്യാർ.
