റാഗി ചോക്‌ലെറ്റ് പാൻകേക്ക്
1.റാഗിപൊടി – ഒരു കപ്പ്
കോക്കോ പൗഡർ – ഒരു ചെറിയ സ്പൂൺ
ബേക്കിങ് പൗഡർ – ഒരു ചെറിയ സ്പൂൺ
ബേക്കിങ് സോഡ – ഒരു നുള്ള്
പഞ്ചസാര/ശർക്കര പൊടിച്ചത് – കാൽ കപ്പ്
ഉപ്പ് – ഒരു നുള്ള്
2.തൈര് – ഒരു വലിയ സ്പൂൺ
പാൽ – പാകത്തിന്
3.ചോക്‌ലെറ്റ് ചിപ്സ് – രണ്ടു വലിയ സ്പൂൺ (ആവശ്യമെങ്കിൽ)
4.വെണ്ണ – പാകത്തിന്
പാകം ചെയ്യുന്ന വിധം
∙ഒരു വലിയ ബൗളിൽ ഒന്നാമത്തെ ചേരുവ യോജിപ്പിക്കുക.
∙ഇതിലേക്കു രണ്ടാമത്തെ ചേരുവ ചേർത്തു പാൻകേക്കിന്റെ പാകത്തിനു യോജിപ്പിച്ച് അഞ്ചു മിനിറ്റു മാറ്റി വയ്ക്കണം.
∙ചോക്‌ലെറ്റ് ചിപ്സും ചേർത്തു യോജിപ്പിച്ച് ചൂടായ പാനിൽ വെണ്ണ പുരട്ടി പാൻകേക്കുകൾ ചുട്ടെടുക്കാം.
