ലയാലി ലബെനൻ (ലെബനീസ് സെബോളിന പുഡ്ഡിങ്)

ആവശ്യമുള്ള ചേരുവകൾ

1) റവ -1/2 കപ്പ്
2) പശുവിൻ പാൽ -3 കപ്പ്
3) റോസ് വാട്ടർ. -1/2 ടേബിൾ സ്പൂൺ
4) കണ്ടൻസ്ഡ് മിൽക്ക്. - 5 ടേബിൾ സ്പൂൺ

ഒരു പാൻ അടുപ്പിൽ വച്ച് റോസ് വാട്ടർ ഒഴികെയുള്ള ചേരുവകൾ മിക്സാക്കി നല്ല കട്ടിയാകുന്ന വരെ കുറുക്കുക. നന്നായി കുറുകിയാൽ റോസ് വാട്ടർ മിക്സ് ചെയ്യുക. ഇത് പുഡ്ഡിങ് ബൗളിലേക്കൊഴിച്ച് രണ്ടോ മൂന്നോ മണിക്കൂർ ഫ്രിഡ്ജിൽ സെറ്റാവാൻ വയ്ക്കുക.

ടോപ്പിങ്ങിന്

5) വിപ്പിങ് ക്രീം -1/2 കപ്പ്
6) ഫ്രഷ് ക്രീം -1 കപ്പ്
7) ഐസിങ് ഷുഗർ /പഞ്ചസാര - 1 ടേബിൾ സ്പൂൺ
8) കണ്ടൻസ്ഡ് മിൽക്ക് - 4 ടേബിൾ സ്പൂൺ

ഫ്രഷ് ക്രീമും കണ്ടൻസ്ഡ് മിൽക്കും ബീറ്റ് ചെയ്തു വയ്ക്കുക. വിപ്പിങ് ക്രീമും ഐസിങ് ഷുഗറും നന്നായി ബീറ്റ് ചെയ്ത് അതിലേക്ക് ഫ്രഷ് ക്രീം മിക്സ് ചെയ്യുക. സെറ്റായ റവ പുഡ്ഡിങ്ങിനു മുകളിൽ ഒഴിച്ചശേഷം, പൊടിച്ച് വച്ച പിസ്ത, കാരമലൈസ്ഡ് കാഷ്യു എന്നിവ പൊടിച്ചത് വച്ച് ഡെക്കറേറ്റ് ചെയ്ത് ഒരു മണിക്കൂർ സെറ്റ് ചെയ്തു ഉപയോഗിക്കാം.

റെസിപ്പി: ജെസ്‌ന