ഏതുതരം സാലഡും പോഷകപ്രദമാക്കാന് വോൾനട്ട്, പെട്ടെന്ന് ശരീരഭാരം കുറയ്ക്കും; ആരോഗ്യ ഗുണങ്ങള് അറിയാം The Incredible Health Benefits of Walnuts
Mail This Article
ആരോഗ്യം നോക്കുന്നവർ സ്ഥിരമായി കഴിക്കുന്നതാണ് നട്സുകൾ. നട്സില് ഏറ്റവും പ്രധാനം തലച്ചോറിന്റെ ആകൃതിയിലുള്ള വോൾനട്ട് ആണ്. വോൾനട്ടിലെ നാരുകളും പ്രോട്ടീനും വിശപ്പ് നിയന്ത്രിക്കാനും ശരീരഭാരം കുറയ്ക്കാനും സഹായിക്കും. ഒരാൾക്ക് ദിവസേനെ 2-4 വോൾനട്ട് കഴിക്കാം. കുതിർത്ത വോൾനട്ട് ഇഷ്ടപ്പെടാത്തവർക്ക് ചെറുതായി വറുത്തോ വോൾനട്ട് കഴിക്കാം. കുതിര്ക്കുമ്പോള് വോൾനട്ടിന്റെ കയ്പുരുചി കുറയും. കൂടാതെ, കുതിര്ക്കുന്നത് വോൾനട്ടിന്റെ ദഹനക്ഷമത മെച്ചപ്പെടുത്തും, ഇത് ദഹനസംബന്ധമായ അസ്വസ്ഥതകൾ കുറയ്ക്കും.
വോൾനട്ടിന്റെ ആരോഗ്യ ഗുണങ്ങള്
∙ ഒമേഗ ത്രീ ഫാറ്റി ആസിഡ്, ബി വൈറ്റമിനുകൾ, പൊട്ടാസ്യം, സിങ്ക്, സെലിനിയം, കാൽസ്യം എന്നീ മിനറൽസ് തുടങ്ങി ശരീരത്തിനു ഗുണകരമാകുന്ന പല ഘടകങ്ങൾ വാൾനട്ടിലുണ്ട്. ദിവസവും അഞ്ചു – ഏഴ് വാൾനട്ട് കഴിക്കാം.
∙ 30 ഗ്രാം വോൾനട്ടിൽ 4 ഗ്രാം പ്രോട്ടീൻ, 1.9 ഗ്രാം ഫൈബർ, 18 ഗ്രാം നല്ല കൊഴുപ്പ് എന്നിവ അടങ്ങിയിട്ടുണ്ട്.
∙ തലച്ചോറിന്റെ ആകൃതിയിലുള്ള വോൾനട്ട് വൈജ്ഞാനിക പ്രവർത്തനങ്ങളെ ഉത്തേജിപ്പിക്കുന്ന ഒ ന്നാണ്. കൂടാതെ ഹൃദയാരോഗ്യത്തിനും വളരെ നല്ലതാണു വാൾനട്ട്. ആന്റി ഓക്സിഡന്റ്സ് സമ്പുഷ്ടമായതിനാൽ തന്നെ കാൻസറിനെ ചെറുക്കാനും സഹായിക്കും. പ്രമേഹരോഗികൾക്കും ഉചിതമാണ് വോ ൾനട്ട്.
∙ വോൾനട്ട് വെറുതേ കഴിക്കാം. അ തല്ലായെങ്കിൽ തലേന്നു വെള്ളത്തിൽ കുതിർത്തുവച്ചു പിറ്റേന്നു കഴിക്കാം.
∙ ഏതുതരം സാലഡിലും വോൾനട്ട് നുറുക്കിയതു ചേർത്തു കൂടുതൽ പോഷകപ്രദമാക്കാം. ചപ്പാത്തി റോളും റാപ്പും മറ്റും തയാറാക്കുമ്പോൾ വോൾനട്ട് നുറുക്കിയതും ഫില്ലിങ്ങിനൊപ്പം സ്ഥിരമായി ചേർക്കാം.
∙ വോൾനട്ട് കുതിർത്തത്, പച്ചമുളക്, ഉപ്പ് എന്നിവ ചതയ്ക്കുക. ഒരു ബൗളിൽ കട്ടത്തൈര്, അൽപം മുളകുപൊടി ചേർത്തു യോജിപ്പിക്കുക. ഇതിലേക്ക് വോൾനട്ട് മിശ്രിതം ചേർത്തിളക്കി ഡിപ് ആയോ ബ്രെഡ് സ്പ്രെഡ് ആയോ ഉപയോഗിക്കാം.
∙ ഒന്നു വീതം ഏത്തപ്പഴം, മാമ്പഴം, കിവി, നാല് വോൾനട്ട്, രണ്ട് ഈന്തപ്പഴം, രണ്ടു വലിയ സ്പൂൺ ഓട്സ്, അരക്കപ്പ് പാൽ എന്നിവ മിക്സിയുടെ ജാറിലാക്കി അടിച്ചു സ്മൂത്തി തയാറാക്കി കുടിക്കാം.