പായസത്തിലും പലഹാരങ്ങളിലുമൊക്കെ നല്ല മണവും ഗുണവും കിട്ടാന് ഉപയോഗിക്കുന്ന സുഗന്ധവ്യഞ്ജനമാണ് ഏലയ്ക്ക. എന്നാല് ഭക്ഷണത്തില് മാത്രമല്ല, ചര്മ്മത്തിന്റെ തിളക്കം കൂട്ടാനും അടുക്കളയിലെ ഈ കുഞ്ഞന് ഏലയ്ക്ക ബെസ്റ്റാണ്. ധാരാളം ആന്റി ഓക്സിഡന്റുകളും പോഷകങ്ങളും അടങ്ങിയ ഏലയ്ക്കയ്ക്ക് എണ്ണിയാല് തീരാത്തത്ര ഗുണങ്ങളുണ്ട്.
ഏലയ്ക്ക കൊണ്ടുള്ള ബ്യൂട്ടി ടിപ്സ്
. ദിവസവും ഏലയ്ക്ക ഇട്ട് തിളപ്പിച്ച വെള്ളം കുടിക്കുന്നത് ചർമത്തിന്റെ ആരോഗ്യത്തിനും നിറം വയ്ക്കാനും സഹായിക്കും. മുഖത്തെ വരകളും ചുളിവുകളുമൊക്കെ വേഗത്തിൽ മാറ്റുന്നു. അതുവഴി പ്രായം കുറച്ചു തോന്നിക്കാന് ഏലയ്ക്ക വെള്ളത്തിന് സാധിക്കും.
. ചർമത്തിലെ വിഷാംശം പുറത്തുകളയാൻ മികച്ചതാണ് ഏലയ്ക്ക. ഇതിലെ ഡൈയൂററ്റിക് ഗുണങ്ങൾ ശരീരത്തിലെ മൂത്രത്തിന്റെ അളവ് കൂട്ടുകയും വിഷാംശങ്ങളെ വേഗത്തിൽ പുറന്തള്ളാൻ സഹായിക്കുകയും ചെയ്യുന്നു. ഇതുവഴി മുഖം നന്നായി തിളങ്ങുകയും ആരോഗ്യമുള്ള ചർമം ഉണ്ടാവുകയും ചെയ്യും.
. ശരീരത്തിലെ രക്തയോട്ടം കൂട്ടാൻ വളരെ നല്ലതാണ് ഏലയ്ക്ക. രക്തയോട്ടം മെച്ചപ്പെടുന്നതോടെ ശരീരത്തിലെ എല്ലാ ഭാഗത്തേക്കും ആവശ്യത്തിനു പോഷകങ്ങളും ഓക്സിജനും ലഭിക്കുന്നു. മുഖക്കുരു തുടങ്ങിയ പ്രശ്നങ്ങൾ ഇല്ലാതാവുന്നു.
ഏലയ്ക്ക വെള്ളം തയാറാക്കുന്ന വിധം
നാലോ- അഞ്ചോ ഏലയ്ക്ക എടുത്തു നന്നായി ചതയ്ക്കുക. ശേഷം വെള്ളം തിളയ്ക്കുമ്പോൾ അതിലേക്ക് ഈ ഏലക്ക പൊടി ചേർക്കുക. ചെറുതീയിൽ 5-10 മിനിറ്റ് തിളപ്പിക്കുക. അരിച്ചെടുത്ത ശേഷം തണുപ്പിച്ചോ, ചെറുചൂടോടെയോ ഏലയ്ക്ക വെള്ളം കുടിക്കാം. കൂടുതല് ഗുണത്തിനായി ഒര ടീസ്പൂൺ തേൻ കൂടി ചേർത്ത് കുടിക്കാവുന്നതാണ്.