Friday 03 December 2021 10:23 AM IST : By സ്വന്തം ലേഖകൻ

നടന്‍ ബ്രഹ്മ മിശ്ര മരിച്ച നിലയില്‍: പാതി ജീര്‍ണിച്ച മൃതദേഹം ശുചിമുറിയുടെ തറയില്‍

brahma

നടന്‍ ബ്രഹ്മ മിശ്രയെ മുംംബൈയിലെ വെര്‍സോവയിലെ ഫ്‌ളാറ്റില്‍ മരിച്ച നിലയില്‍ കണ്ടെത്തി. പാതി ജീര്‍ണിച്ച നിലയിലായിരുന്നു മൃതദേഹം.

മരണം സംഭവിച്ച് രണ്ടു ദിവസമെങ്കിലും കഴിഞ്ഞിട്ടുണ്ടാകുമെന്നാണ് പൊലീസ് നിഗമനം. ഫ്ലാറ്റില്‍ നിന്നു ദുര്‍ഗന്ധം അനുഭവപ്പെട്ടതിനെ തുടര്‍ന്ന് അയല്‍ക്കാര്‍ പോലീസിനെ അറിയിക്കുകയായിരുന്നു. ഫ്ലാറ്റിന്റെ പൂട്ട് തകർത്താണ് പൊലീസ് അകത്തു കയറിയത്. ശുചിമുറിയുടെ തറയിലായിരുന്നു മൃതദേഹം. പോസ്റ്റ്‌മോര്‍ട്ടത്തിനായി മൃതദേഹം മുംബൈ കൂപ്പര്‍ ആശുപത്രിയിലേക്ക് മാറ്റി.

മിര്‍സാപൂര്‍ എന്ന ഹിന്ദി വെബ്‌ സീരീലിലൂടെ ശ്രദ്ധേയനായ നടനാണ് ബ്രഹ്മ മിശ്ര. ലളിത് എന്ന കഥാപാത്രത്തെയാണ് താരം അവതരിപ്പിച്ചത്.