ബോളിവുഡ് താരങ്ങളായ കത്രിന കൈഫിന്റെയും വിക്കി കൗശലിന്റെയും വിവാഹ ആഘോഷങ്ങൾക്ക് തുടക്കമായി. മൂന്നു ദിവസം നീണ്ടു നിൽക്കുന്ന താരവിവാഹം സവായ് മധോപൂരിലെ ചൗത് കാ ബർവാര പട്ടണത്തിലെ സിക്‌സ് സെൻസസ് ഫോർട്ട് ബർവാരയിൽ വച്ചാണ്.
ഡിസംബർ 7 മുതൽ 9 വരെയുള്ള ദിവസങ്ങളിലാണ് വിവാഹം. വിവാഹത്തിന് മുന്നോടിയായി സംഗീത്, മെഹന്ദി തുടങ്ങി ചടങ്ങുകളും ഉണ്ടായിരിക്കുമെന്നാണ് റിപ്പോർട്ട്.
വിക്കിയും കത്രീനയും ക്ഷണിക്കപ്പെട്ട അതിഥികളുമൊക്കെ ഇതിനകം തന്നെ വിവാഹവേദിയിലെത്തി. തിങ്കളാഴ്ച രാത്രിയാണ് മുംബൈയിലെ കലിന എയർപോർട്ടിൽ നിന്നും വിക്കിയും കത്രീനയും രാജസ്ഥാനിലെ വിവാഹവേദിയിലേക്ക് തിരിച്ചത്.
