ആര്യയെ നായകനാക്കി സംവിധായകൻ പാ രഞ്ജിത്തിന്റെ ‘സര്‍പ്പാട്ട പരമ്പരൈ’. ചിത്രത്തിന്റെ ഫസ്റ്റ് ലുക്ക് പോസ്റ്റർ എത്തി. ചിത്രത്തിൽ വേറിട്ട ലുക്കിൽ ഒരു ബോക്സർ ആയാണ് ആര്യ എത്തുന്നത്.
1970-80 കാലത്തെ നോര്‍ത്ത് മദ്രാസിലെ സര്‍പ്പാട്ട പരമ്പരൈ എന്ന ബോക്‌സിങ് താരങ്ങളുടെ ചരിത്രവും ജീവിതവും രാഷ്ട്രീയവുമാണ് ചിത്രം പറയുക.
കാബില എന്ന കഥാപാത്രമാണ് ചിത്രത്തിൽ ആര്യ. ദുഷാര വിജയന്‍ ആണ് നായിക. സന്തോഷ് പ്രതാപും പ്രധാന വേഷത്തിലെത്തുന്നു.
കെ 9 സ്റ്റുഡിയോസ് നിർമിക്കുന്ന ചിത്രത്തിന്റെ സംഗീതം സന്തോഷ് നാരായണന്റെതാണ്. മുരളി ജിയാണ് ഛായാഗ്രാഹകന്‍.
