‘ആടുജീവിതം വിദേശ ഷെഡ്യൂൾ പൂർത്തിയായി, വീട്ടിലേക്ക് തിരിച്ചു വരുന്നു’: ചിത്രങ്ങൾ പങ്കുവച്ച് പൃഥ്വി
Mail This Article
പൃഥ്വിരാജിനെ നായകനാക്കി ബ്ലസി സംവിധാനം ചെയ്യുന്ന ‘ആടുജീവിതം’ സിനിമയുടെ വിദേശ ഷെഡ്യൂള് പൂര്ത്തിയായി. ‘ആടുജീവിതം വിദേശ ഷെഡ്യൂൾ പൂർത്തിയായി. വീട്ടിലേക്ക് തിരിച്ചു വരുന്നു’.– ചിത്രത്തിന്റെ ലൊക്കേഷൻ ചിത്രം പങ്കുവച്ച് പൃഥ്വിരാജ് കുറിച്ചു. ഇനി കേരളത്തിൽ പത്ത് ദിവസത്തെ ചിത്രീകരണം കൂടി ബാക്കിയുണ്ട്.
മാര്ച്ച് പതിനാറിനാണ് സഹാറ, അൾജീരിയ എന്നിവിടങ്ങളിൽ ചിത്രീകരണത്തിന്റെ രണ്ടാം ഘട്ടം തുടങ്ങിയത്. മാര്ച്ച് 31ന് പൃഥ്വിരാജ് ലൊക്കേഷനില് എത്തി. കോവിഡ് പശ്ചാത്തലത്തില് ജോര്ദാനില് കര്ഫ്യൂ പ്രഖ്യാപിച്ചത് ചിത്രീകരണം തടസ്സപ്പെടുത്തിയിരുന്നു. ഏപ്രില് ഒന്നിന് നിര്ത്തിവെച്ച ചിത്രീകരണം പിന്നീട് ഏപ്രില് 24ന് ജോര്ദാനിലെ വാദിറാമില് ആണ് ആരംഭിച്ചത്. നാല്പ്പതു ദിവസം സഹാറ മരുഭൂമിയിലും 35 ദിവസത്തോളം ജോര്ദാനിലെ വാദിറാമിലും ആണ് ചിത്രീകരണം നടന്നത്.
നജീബ് എന്ന കഥാപാത്രത്തെയാണ് ചിത്രത്തില് പൃഥ്വി അവതരിപ്പിക്കുന്നത്. എ.ആര് റഹ്മാന് ആണ് സംഗീത സംവിധാനം.