തങ്ങളുടെ മുപ്പതാം വിവാഹവാർഷികത്തിന്റെ സന്തോഷം കുറിച്ച്, ഭർത്താവിനൊപ്പമുള്ള മനോഹരചിത്രം പങ്കുവച്ച് നടിയും നർത്തകിയുമായ ആശ ശരത്.
‘മനോഹരമായ വാർഷിക ആശംസകൾക്ക് എല്ലാവർക്കും നന്ദി... ഭർത്താവുമൊത്തുള്ള എന്റെ അത്ഭുതകരമായ 30 വർഷം... സ്നേഹത്തിന്റെയും ചിരിയുടെയും എണ്ണമറ്റ ഓർമ്മകളുടെയും ജീവിതകാലം പോലെ തോന്നുന്നു. എല്ലാ ഉയർച്ച താഴ്ചകളിലൂടെയും, ഞങ്ങൾ പരസ്പരം എപ്പോഴും ഉണ്ടായിരുന്നു - കൂടാതെ എല്ലാ സീസണിലും ഞങ്ങളോടൊപ്പം നിന്ന പ്രിയ സുഹൃത്തുക്കളുടെ പിന്തുണയ്ക്ക് ഞങ്ങൾ വളരെ നന്ദിയുള്ളവരാണ്. ഇനിയും സ്നേഹവും സൗഹൃദവും ഒക്കെയുള്ള ഒരുപാട് വർഷങ്ങൾ മുന്നിലുണ്ട്...’.– ഭർത്താവു ശരത്തിനൊപ്പമുള്ള ചിത്രം പോസ്റ്റ് ചെയ്ത് ആശ കുറിച്ചു.
കുങ്കുമപ്പൂവ് എന്ന സീരിയിലൂടെ തിളങ്ങി പിന്നീട് ബിഗ് സ്ക്രീനിലൂടെ പ്രേക്ഷകരുടെ ഇഷ്ടതാരമായി മാറിയ അഭിനേത്രിയും നര്‍ത്തകിയുമാണ് ആശ ശരത്.
