മലയാളത്തിന്റെ പ്രിയ താര ദമ്പതികളായ ദിലീപിന്റെയും കാവ്യാ മാധവന്റെയും ആദ്യത്തെ കൺമണിയായ മഹാലക്ഷ്മിക്ക് ഗുരുവായൂര്‍ ക്ഷേത്രത്തില്‍ ചോറൂണ് വഴിപാടു നടത്തി. ദിലീപ്, മകള്‍ മീനാക്ഷി, കാവ്യ എന്നിവര്‍ക്കൊപ്പം അടുത്ത ബന്ധുക്കളും ചടങ്ങിൽ സന്നിഹിതരായിരുന്നു.
പുലര്‍ച്ചെ അഞ്ചിനാണ് താരകുടുംബം ക്ഷേത്രത്തിൽ എത്തിയത്. ഉഷഃപൂജയ്ക്കു ശേഷമായിരുന്നു ചോറൂണ്. ഒപ്പം, കാവ്യയ്ക്കും മഹാലക്ഷ്മിക്കും തുലാഭാരം വഴിപാടും നടത്തി.
കഴിഞ്ഞ ഒക്ടോബറിലാണ് ദിലീപിനും കാവ്യയ്ക്കും പെൺകുഞ്ഞ് ജനിച്ചത്. വിജയദശമി ദിനത്തിലായിരുന്നു മഹാലക്ഷ്മിയുടെ ജനനം.
ഗുരുവായൂരിൽ വച്ച് യുവതാരം സണ്ണി വെയ്ന്റെ വിവാഹവും ഇന്നലെയായിരുന്നു. സ്ഥലത്തുണ്ടായിരുന്ന ദിലീപ് സണ്ണിയ്ക്കും വധു രഞ്ജിനിക്കും ആശംസകൾ നേരാനെത്തിയിരുന്നു. ഇതിന്റെ ചിത്രങ്ങൾ സോഷ്യൽ മീഡിയയിൽ വൈറലാണ്.
