അച്ഛൻ സുകുമാരനെ അനുകരിച്ച് അമ്മ മല്ലികയോട് സംസാരിച്ച് ഇന്ദ്രജിത് സുകുമാരൻ. അഭിനയത്തിൽ മാത്രമല്ല വേണമെങ്കിൽ മിമിക്രിയിലും തനിക്കൊരു കൈനോക്കാമെന്ന് ഈ വിഡിയോയിൽ താരം തെളിയിച്ചിട്ടുണ്ടെന്നാണ് ആരാധകരുടെ കമന്റ ്.
സുകുമാരനെ ഇന്ദ്രജിത് അനുകരിക്കുന്ന വിഡിയോ ആണ് ഇപ്പോള്‍ സമൂഹമാധ്യമങ്ങളില്‍ വൈറല്‍. മല്ലിക സുകുമാരനാണ് ഈ വിഡിയോ പുറത്തു വിട്ടിരിക്കുന്നത്.
‘മല്ലികേ, നീ വാങ്ങിച്ചു തന്ന ഷര്‍ട്ടാണ്… കൊള്ളാമോ ? എന്ന ഡയലോഗ് സുകുമാരന്‍ പറയുന്ന രീതിയില്‍ ഇന്ദ്രജിത്ത് അനുകരിക്കുന്നതാണ് വിഡിയോയിൽ.
അന്തരിച്ച നടൻ സുകുമാരന്‍ മലയാള സിനിമയിലെ ക്ഷോഭിക്കുന്ന കരുത്തായിരുന്നു. സൂപ്പർ താരമായും കരുത്തനായ സഹനായകനായും വില്ലൻ വേഷങ്ങളിലുമൊക്കെ തിളങ്ങിയ സുകുമാരൻ ആരാധകരുടെ പ്രിയങ്കരനായിരുന്നു.
