സോഷ്യല്‍ മീഡിയ ആഘോഷമാക്കി നടി ജ്യോതിര്‍മയിയുടെ ഏറ്റവും പുതിയ ചിത്രങ്ങള്‍. നസ്രിയ നസീമിനൊപ്പമുള്ള ചിത്രങ്ങളില്‍, മുടി ബോയ്കട്ട് ചെയ്ത്്, സോള്‍ട്ട് ആന്‍ഡ് പെപ്പര്‍ ലുക്കില്‍ ആണ് ജ്യോതിര്‍മയി.
നസ്രിയയാണ് ചിത്രങ്ങള്‍ ഇന്‍സ്റ്റഗ്രാമില്‍ പോസ്റ്റ് ചെയ്തിരിക്കുന്നത്. ഫഹദ്-നസ്രിയ കുടുംബവുമായി അടുത്ത ബന്ധമാണ് ജ്യോതിര്‍മയിക്കുള്ളത്.
കുറച്ചു മാസങ്ങള്‍ക്കു മുന്‍പ്, തല മൊട്ടയടിച്ച ജ്യോതിര്‍മയിയുടെ ചിത്രം ഭര്‍ത്താവും സംവിധായകനുമായ അമല്‍ നീരദ് പങ്കുവച്ചിരുന്നു. 2015 ഏപ്രില്‍ 4 നാണ് അമല്‍ നീരദും ജ്യോതിര്‍മയിയും വിവാഹിതരായത്. അമല്‍ നീരദുമായുള്ള വിവാഹ ശേഷം സിനിമയില്‍ നിന്നു താല്‍ക്കാലികമായി മാറി നില്‍ക്കുകയാണ് താരം.
