പതിറ്റാണ്ടുകൾ നീണ്ട സൗഹൃദമാണ് നടൻ മോഹൻലാലും സംവിധായകൻ പ്രിയദർശനും തമ്മിൽ. ഇരുവരും ഒരുമിച്ചുള്ള ഒരു പഴയകാല ചിത്രം സോഷ്യൽ മീഡിയയിൽ പങ്കുവച്ചിരിക്കുകയാണ് മോഹൻലാൽ. ഫെയ്സ്ബുക്കിലൂടെ കൗതുക ചിത്രം പങ്കുവച്ച് മോഹൻലാൽ കുറിച്ചതിങ്ങനെ;
"ഈ ചിത്രം സുഖമുള്ള ഒരോർമ്മയാണ്... സിനിമാ സ്വപ്നങ്ങൾ കണ്ടത്.. പല കഥാപാത്രങ്ങളും ജനിച്ചത്... ഈ സൗഹൃദത്തിൽ നിന്നാണ്... ആദ്യ ചിത്രം മുതൽ മരയ്ക്കാർ വരെ... ആദ്യ കയ്യടി മുതൽ വലിയ ആഘോഷങ്ങൾ വരെ... ഓരോ വിജയത്തിലും പരാജയത്തിലും തോളോടു തോള് ചേർന്നുനിന്ന സൗഹൃദം."
പ്രിയദർശൻ- മോഹൻലാൽ ഒരുമിക്കുന്ന കുഞ്ഞാലി മരയ്ക്കാർ തിയറ്ററുകളിലെത്താൻ കാത്തിരിക്കുകയാണ് ആരാധകർ. നൂറുകോടി മുതൽമുടക്കിൽ ഒരുങ്ങുന്ന ചിത്രത്തിൽ മോഹൻലാലിന്റെ ചെറുപ്പം അവതരിപ്പിക്കുന്നത് പ്രണവ് മോഹൻലാലാണ്. പ്രിയദർശന്റെ 95–ാമത്തെ ചിത്രമാണ് കുഞ്ഞാലി മരയ്ക്കാർ.