പ്രേക്ഷകര്‍ കാത്തിരുന്ന റൊമാന്റിക് എന്റർടെയ്നർ ‘തു ജൂത്തി മേം മക്കറി’ന്റെ ട്രെയിലർ പുറത്തിറങ്ങി. രൺബീർ കപൂർ, ശ്രദ്ധ കപൂർ എന്നിവരാണ് പ്രധാന കഥാപാത്രങ്ങളിലെത്തുന്നത്. അതീവ ഗ്ലാമറസ് ലുക്കിലെത്തുന്ന ശ്രദ്ധ ആരാധകരുടെ മനം കവരുന്നു. ചോക്ലേറ്റ് ഹീറോയായി രൺബീർ എത്തുന്നു.
അൻഷുൾ ശർമ- രാഹുൽ മോഡി എന്നിവർ ചേർന്നാണ് സംവിധാനം. ലവ് രഞ്ജന്റേതാണ് തിരക്കഥ. സംഗീതം പ്രീതം. മാർച്ച എട്ടിന് ചിത്രം തിയറ്ററുകളിലെത്തും. ബ്രഹ്മാസ്ത്രയാണ് രൺബീറിന്റേതായി ഒടുവിൽ റിലീസ് ചെയ്ത ചിത്രം. സിനിമ ബോക്സ്ഓഫിസിൽ വലിയ ഹിറ്റായിരുന്നു.
