മലയാളത്തിന്റെ പ്രിയനടനും നർത്തകനുമാണ് വിനീത്. കുട്ടിക്കാലം മുതൽ നൃത്തത്തിൽ സജീവമായ അദ്ദേഹം തന്റെ നൃത്ത വിഡിയോകളും വിശേഷങ്ങളുമൊക്കെ സോഷ്യല് മീഡിയയിൽ ഇടയ്ക്കിടെ പങ്കുവയ്ക്കാറുണ്ട്.
ഇപ്പോഴിതാ, 13–ാം വയസ്സിൽ മോഹിനിയാട്ടം അവതരിപ്പിക്കുന്ന തന്റെ ഒരു മനോഹരമായ വിഡിയോയാണ് അദ്ദേഹം യൂ ട്യൂബ് ചാനലിൽ പോസ്റ്റ് ചെയ്തിരിക്കുന്നത്. 1984 ൽ കോട്ടയത്ത് നടന്ന സംസ്ഥാന സ്കൂൾ യുവജനോൽസവത്തിലായിരുന്നു താരത്തിന്റെ പ്രകടനം.