മഞ്ഞിൽ വിരിഞ്ഞ പൂവിലെ ജിസ്മി, ഇനി ഷിൻജിത്തിന്റെ ജീവിതസഖി; വൈറലായി വിവാഹ വിഡിയോ

മിനിസ്ക്രീൻ പ്രേക്ഷകരുടെ പ്രിയതാരം ജിസ്മി വിവാഹിതയായി. മഞ്ഞില്‍ വിരിഞ്ഞ പൂവ് എന്ന സീരിയലിലൂടെ പ്രേക്ഷകമനസുകളിൽ ഇടംനേടിയ ജിസ്മിയെ ഛായാഗ്രാഹകന്‍ ഷിന്‍ജിത്താണ് ജീവിതസഖിയാക്കിയത്. മലയാള സിനിമകള്‍ക്കും നിരവധി ഷോകള്‍ക്കും വേണ്ടി ക്യാമറ ചലിപ്പിച്ചിട്ടുള്ള ക്യാമറമാനാണ് ഷിൻജിത്ത്.

അതേസമയം പ്രണയ നിമിഷങ്ങളും വിവാഹ ചടങ്ങുകളും കോർത്തിണക്കിയുള്ള ജിസ്മിയുടെ വിവാഹ വിഡിയോയും സോഷ്യൽ മീഡിയയിൽ വൈറലായിട്ടുണ്ട്. വിവാഹത്തിനു മുന്‍പ് തന്നെ ജിസ്മിയുടെ സേവ് ദ ഡേറ്റ് ചിത്രങ്ങളും വീഡിയോകളും സാമൂഹിക മാധ്യമങ്ങളില്‍ ശ്രദ്ധ പിടിച്ചു പറ്റിയിരുന്നു. കഴിഞ്ഞയാഴ്ച നടന്ന വിവാഹത്തില്‍ ടിവി, സിനിമ മേഖലയിലെ പ്രമുഖര്‍ പങ്കെടുത്തു.