തന്റെ ടീനേജ് കാലത്തെ മനോഹരമായൊരു ചിത്രം പങ്കുവച്ച് നടിയും നർത്തകിയുമായ ലക്ഷ്മി ഗോപാലസ്വാമി.
‘എന്റെ ആദ്യകാല ഷൂട്ടുകളിൽ ഒന്ന്. 17-18 വയസ്സ് പ്രായം. എന്റെ മോഡലിംഗ് ജീവിതം തുടങ്ങാൻ പോവുന്നതേ ഉണ്ടായിരുന്നുള്ളൂ അന്ന്’ .– ചിത്രത്തിനൊപ്പം ലക്ഷ്മി കുറിക്കുന്നു.
ലോഹിതദാസ് സംവിധാനം ചെയ്ത ‘അരയന്നങ്ങളുടെ വീട്’ എന്ന ചിത്രത്തിലൂടെ 2000 ൽ ആയിരുന്നു ലക്ഷ്മി ഗോപാലസ്വാമിയുടെ സിനിമാ അരങ്ങേറ്റം. കൊച്ചു കൊച്ചു സന്തോഷങ്ങൾ, കീർത്തിചക്ര, ഇവിടം സ്വർഗ്ഗമാണ്, ഭ്രമരം എന്നിവയാണ് ലക്ഷ്മിയുടെ ശ്രദ്ധേയ ചിത്രങ്ങൾ.
ദുൽഖർ സൽമാൻ നായകനാകുന്ന റോഷൻ ആൻഡ്രൂസ് ചിത്രം ‘സല്യൂട്ട്’ ആണ് ലക്ഷ്മി അഭിനയിച്ച പുറത്തിറങ്ങാനുള്ള പുതിയ മലയാള ചിത്രം.
