പുത്തൻ ബി എം ഡബ്ല്യു കാർ സ്വന്തമാക്കി യുവനടൻ നീരജ് മാധവ്. ബി എം ഡബ്ല്യുവിന്റെ എസ് യു വി ശ്രേണിയിലെ എക്‌സ് 5 ആണ് താരത്തിന്റെ പുതിയ വാഹനം. കുടുംബത്തോടൊപ്പം കാർ വാങ്ങാൻ എത്തിയതിന്റെ സന്തോഷം നീരജ് പങ്കുവച്ചിട്ടുണ്ട്. ‘ഞങ്ങളുടെ കുടുംബത്തിലേക്ക് പുതിയ അംഗത്തെ സ്വാഗതം ചെയ്യുന്നു, ‘ബംബിൾ ബീ’യെ പരിചയപ്പെടൂ’ എന്നാണ് കാർ സ്വീകരിക്കുന്ന വിഡിയോയ്ക്കൊപ്പം നീരജ് കുറിച്ചിരിക്കുന്നത്. മഞ്ഞ നിറത്തിലുള്ളതാണ് കാർ. നിരവധി പേരാണ് അഭിനന്ദനവുമായെത്തുന്നത്.
നീരജിന്റേതായി അടുത്തിടെ റിലീസ് ചെയ്തത് ആർഡിഎക്സ് എന്ന ചിത്രമാണ്. വൻ മൗത്ത് പബ്ലിസിറ്റി ലഭിച്ച ചിത്രം 100 കോടി സ്വന്തമാക്കുകയും ചെയ്തു.
