ഗായിക ഉഷ ഉതുപ്പിന്റെ ഭര്‍ത്താവ് ജാനി ചാക്കോ ഉതുപ്പ് അന്തരിച്ചു.78 വയസ്സായിരുന്നു. കോട്ടയം കളത്തിപ്പടി സ്വദേശിയാണ്. കോട്ടയം പൈനുങ്കല്‍ ചിറക്കരോട്ട് കുടുംബാംഗമാണ്. ബ്രിഗേഡിയര്‍ സി.സി. ഉതുപ്പിന്റെയും എലിസബത്തിന്റെയും മകനാണ്. കൊല്‍ക്കത്തയില്‍ ആയിരുന്നു അന്ത്യം. തിങ്കളാഴ്ച ഹൃദയാഘാതത്തെ തുടര്‍ന്ന് ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.
സണ്ണി ഉതുപ്പ്, അഞ്ജലി ഉതുപ്പ് എന്നിവരാണ് മക്കള്‍. മൃതദേഹം പീസ് വേള്‍ഡ് മോര്‍ച്ചറിയില്‍ സൂക്ഷിച്ചിരിക്കുകയാണ്. നാട്ടില്‍നിന്നു ബന്ധുക്കള്‍ എത്തിയശേഷം ചൊവ്വാഴ്ച സംസ്‌കാരം നടത്തും.
