ചുണ്ടുകളുടെ വലുപ്പം വർധിപ്പിച്ച് ഭംഗിയാക്കാൻ ലിപ് ഫില്ലർ ചെയ്ത് ഗായികയും നടിയുമായ അഭിരാമി സുരേഷ്.
വീട്ടിലെ ക്രിസ്മസ് ആഘോഷത്തിന്റെ വിഡിയോ പങ്കുവച്ചപ്പോഴാണ് ലിപ് ഫില്ലറിന്റെ കാര്യം അഭിരാമി പറഞ്ഞത്. തന്റെ മുഖം കണ്ട് ആരും പേടിക്കരുതെന്ന് വിഡിയോയ്ക്കൊപ്പം താരം കുറിച്ചു.
മുഖത്തോ ശരീരത്തിലോ ഇൻജക്‌ഷനിലൂടെ രൂപമാറ്റം വരുത്തുന്നതാണ് ഫില്ലർ. ഈ ചികിത്സയാണ് തന്റെ ചുണ്ടുകൾക്ക് അഭിരാമി നൽകിയിരിക്കുന്നത്. നിലവിൽ ചികിത്സ നടക്കുക ആണെന്നും അതിന്റേതായ ചില മാറ്റങ്ങൾ മുഖത്തുണ്ടെന്നും അഭിരാമി വിഡിയോയിൽ പറയുന്നു.
പ്ലാസ്റ്റിക് സർജറിയെ അപേക്ഷിച്ച് ഫില്ലർ ചെയ്യുമ്പോൾ ചെലവ് കുറവാണ്. 30000രൂപയ്ക്കുള്ളിൽ അത് ചെയ്യാൻ സാധിക്കുമെന്നും അഭിരാമി വ്യക്തമാക്കുന്നു.
