ചാക്കോച്ചന്റെ മൊഞ്ചൊന്നും അങ്ങനെ പൊയ്പ്പോവൂല മോനേ...ചുള്ളൻ ചാക്കോച്ചന്റെ അഡാറ് ലുക്ക് കണ്ടാൽ ആരും അറിയാതെ ഈ ഡയലോഗ് പറഞ്ഞു പോകും. പ്രായത്തെ വെല്ലുന്ന ചുള്ളൻ ലുക്കുമായി ഒരിക്കൽ കൂടി സോഷ്യൽ മീഡിയയെ അതിശയിപ്പിക്കുകയാണ് മലയാളത്തിന്റെ എവർ റൊമാന്റിക് ഹീറോ. വനിതയ്ക്കു വേണ്ടി നടത്തിയ കവർ ഫൊട്ടോഷൂട്ടിലാണ് ചോക്ലേറ്റ് നായകന്റെ കിടിലം ലുക്ക്.
ഫൊട്ടോഷൂട്ടിൽ രണ്ട് ലുക്കിലാണ് താരം പ്രത്യക്ഷപ്പെടുന്നത് ഷോർട്സും ടീ ഷർട്ടുമണിഞ്ഞ് പയ്യൻ ലുക്കിലാണ് ആദ്യം പ്രത്യക്ഷപ്പെടുന്നത്. പിന്നാലെ സ്യൂട്ടണിഞ്ഞ് സ്റ്റൈലിഷായെത്തുന്നു. വനിത യൂ ട്യൂബ് പേജിൽ പോസ്റ്റ് ചെയ്ത ഈ സ്റ്റൈലിഷ് ഫൊട്ടോഷൂട്ട് വിഡിയോ ചുരുങ്ങിയ സമയം കൊണ്ട് സോഷ്യൽ മീഡിയയിൽ വൈറലായിട്ടുണ്ട്. വനിത ജൂലൈ രണ്ടാം ലക്കത്തിലാണ് താരം മുഖചിത്രമായെത്തെിയത്.
