Thursday 25 March 2021 04:15 PM IST : By സ്വന്തം ലേഖകൻ

കൈവണ്ണം കൂടിയതിന്റെ പേരിൽ സ്ലീവ്‌ലെസ് വസ്ത്രങ്ങൾ ഇടാൻ മടിക്കേണ്ട; ദിവസങ്ങൾ കൊണ്ട് വണ്ണം കുറയ്ക്കാം, അഞ്ചു വ്യായാമങ്ങൾ ഇതാ...

ggddarmmbbn55ryy

കൈവണ്ണം കൂടിയതിന്റെ പേരിൽ ഇനി സ്ലീവ്‌ലെസ് വസ്ത്രങ്ങൾ ഇടാൻ മടിക്കേണ്ട. ചുരുങ്ങിയ ദിവസങ്ങൾ കൊണ്ട് കൈവണ്ണം കുറയ്ക്കാൻ സഹായിക്കുന്ന അഞ്ചു വ്യായാമങ്ങൾ പരിചയപ്പെടുത്താം. ശരിയായ രീതിയിൽ വ്യായാമം ചെയ്തില്ലെങ്കിൽ പ്രയോജനം കിട്ടില്ല. പോസും ശ്വാസമെടുക്കുന്ന രീതിയും കൃത്യമായി മനസ്സിലാക്കി എല്ലാ ദിവസവും ഈ വ്യായാമങ്ങൾ ചെയ്തു നോക്കൂ, ഫലം ഉറപ്പാണ്.

1. ഭുജംഗാസനം 

bhujangggddfgg556

ഭുജംഗം എന്നാൽ പാമ്പ് എന്നാണ് അർഥം. പാമ്പു പത്തിവിടർത്തി നിൽക്കുന്ന രീതിയെ അനുകരിച്ചു ചെയ്യുന്ന യോഗാസനമായതുകൊണ്ടാണ് ഇതിനെ ഭുജംഗാസനം അഥവാ സർപ്പാസനം എന്നു പറയുന്നത്. ശരീരം മുഴുവൻ തളർത്തിയിടുക. സാവകാശം ശ്വാസം അകത്തേക്കു വലിച്ചുകൊണ്ട്, കൈകൾ നിലത്തമർത്താതെ, നെഞ്ചും തോളും തലയും നിലത്തുനിന്നുയർത്തി, തല കഴിയുന്നത്ര പിറകോട്ടു വളച്ചു മുകളിലേക്കു നോക്കുക, പൊക്കിൾ വരെയുള്ള ഭാഗമേ ഉയർത്താവൂ. മൂന്നോ നാലോ സെക്കൻഡ് സമയം ഇങ്ങനെ നിന്ന ശേഷം സാവകാശം ശ്വാസം പുറത്തേക്കുവിട്ടുകൊണ്ടു തല താഴ്ത്തി പൂർവസ്ഥിതിയിലേക്കു മടങ്ങി വന്നു കിടക്കുക. കുറഞ്ഞത് അഞ്ച്-ആറു തവണ ആവർത്തിക്കുക.

2. പുഷ്‌ അപ്‌ 

pushupuuyk

കൈകള്‍ക്ക്‌ ആരോഗ്യവും രൂപഭംഗിയും ലഭിക്കുന്നതിന്‌ പുഷ്‌ അപ്‌ ചെയ്യുന്നത്‌ വളരെ നല്ലതാണ്‌. പുഷ്‌ അപ്‌ ചെയ്യുന്നതിലൂടെ കൈകള്‍ക്ക്‌ കൂടുതല്‍ സമ്മര്‍ദ്ദം നല്‍കാന്‍ കഴിയും. തറയില്‍ മുട്ടുകളമര്‍ത്തി ശരീരം നിവര്‍ത്തി വേണം ചെയ്‌ത്‌ തുടങ്ങാന്‍. താഴേക്ക്‌ നോക്കി ചെയ്യുമ്പോള്‍ ശരീരത്തിന്റെ ഭാരം കൈകളിലും മുട്ടിലും മാത്രമാകും അനുഭവപ്പെടുക. കൂടുതല്‍ പ്രയോജനം ലഭിക്കുന്നതിന്‌ ദിവസം 10 - 15 പുഷ്‌ അപ്‌ ചെയ്യുക. നെഞ്ചിലെയും കൈകളിലും പേശികള്‍ക്ക്‌ ബലവും ഭംഗിയും ലഭിക്കാന്‍ ഇത്‌ സഹായിക്കും.

3. ട്രൈആങ്കിൾ പുഷ് അപ് 

triangleppffggf

അമേരിക്കൻ കൗൺസിൽ ഓൺ എക്സർസൈസിന്റെ അഭിപ്രായത്തിൽ ട്രൈആങ്കിൾ പുഷ് അപ് ആണ് കൈവണ്ണം കുറയ്ക്കാനുള്ള ഏറ്റവും മികച്ച വ്യായാമം. പുഷ് അപ് തന്നെ കുറച്ച് വ്യത്യസ്തമായ രീതിയിൽ ചെയ്യുന്നതാണിത്. പുഷ് അപ് പൗസിഷനിൽ ഇരുന്ന് കൈകൾ, പ്രധാനമായും കൈ വിരലുകൾ( തള്ളവിരലും ചൂണ്ടു വിരലും ചേർത്ത്)പേര് പോലെ നിലത്ത് ത്രികോണാകൃതിയിൽ വയ്ക്കുക. കൈകൾക്ക് പരമാവധി സമ്മർദം നൽകിക്കൊണ്ട് വേണം ചെയ്യാൻ. എല്ലാ ദിവസവും ചെയ്യാൻ കഴിഞ്ഞില്ലെങ്കിൽ ആഴ്ചയിൽ മൂന്നു ദിവസം വീതം ചെയ്യാം. വീഡിയോ നോക്കി പരിശീലിക്കാം.

4. പ്ലാങ്ക് പോസ് 

plankeer

കുംഭകാസന അഥവാ പ്ലാങ്ക് പോസ് മറ്റൊരു യോഗാപോസാണ്. പുഷ് അപ് ചെയ്യുന്ന വിധത്തിലാണ് ഇതിന്റെ പോസ്. ഇതേ രീതിയില്‍ അല്‍പം സമയം നില്‍ക്കുക. ചിത്രത്തില്‍ കാണുന്നതു പോലെ.

5. ട്രൈസെപ് ബെഞ്ച് ഡിപ്സ് 

Tricep-Dips

ട്രൈസെപ്സ് പ്രധാനമായും പുറം തിരിഞ്ഞിരുന്ന് പേരു സൂചിപ്പിക്കും പോലെ ഉറപ്പുള്ള ബെഞ്ചിൽ കൈകൾ സ്ഥാപിച്ച് മെല്ലെ ഉയരുകയും താഴുകയും ചെയ്യാം. 8-9 തവണ തുടര്‍ച്ചയായി ചെയ്യണം.

Tags:
  • Health Tips
  • Glam Up