മാസങ്ങൾക്ക് മുൻപ് സ്കൂൾ യൂണിഫോമിൽ തമ്മനത്ത് മീൻ കച്ചവടം നടത്തിയ ഹനാനെ സൈബർ ലോകം ഏറ്റെടുത്തിരുന്നു. ഇപ്പോഴിതാ സ്കൂളിൽ പോകേണ്ട പ്രായത്തിൽ മീൻ കച്ചവടം നടത്തുന്ന ഒരു പെൺകുട്ടി ചിത്രം ഫെയ്സ്ബുക്കിലൂടെ ശ്രദ്ധേയമാവുന്നു. നമ്മുടെ സ്വന്തം കൊച്ചിയിലെ ബോൾഗാട്ടി ജംക്ഷനിൽ നിന്നാണ് ഈ കാഴ്ച. ജീവിതത്തിലെ എല്ലാ പ്രാരാബ്ധവും ഏറ്റുവാങ്ങിയ പെൺകുട്ടിയുടെ തീഷ്ണമായ നോട്ടമാണ് സോഷ്യൽ മീഡിയയിൽ വൈറലാകുന്നത്.
രോഷത്തോടെ സോണി സ്റ്റാൻലി എന്നയാൾ പങ്കുവച്ച ഫെയ്സ്ബുക് കുറിപ്പ് ഇങ്ങനെ; "ഒരു ചാനലുകാരും ഇത് കാണില്ല, സ്കൂൾപഠനം കഴിഞ്ഞ് യൂണിഫോമിൽ മീനിന് വിലപേശണ്ട, അതുകൊണ്ട് ഒരു വൈറലുമില്ല. ആരും ഫോട്ടോയെടുക്കാൻ വരുകയുമില്ല. ഇത് വയറ്റിലെ തീയണയ്ക്കാൻ പാടുപെടുന്ന അനേകം കുട്ടികളിലൊരാൾ. ബോൾഗാട്ടി ജംക്ഷനിലെ ഒരു കാഴ്ച." ഇരുപത്തിനാലായിരത്തില്പരം ആളുകളാണ് ഈ കുറിപ്പ് ഷെയർ ചെയ്തിരിക്കുന്നത്. ഈ പെൺകുട്ടിയെക്കുറിച്ച് മറ്റു വിവരങ്ങളൊന്നും ലഭിച്ചിട്ടില്ല.
'എനിക്ക് വിട്ടുതരണമെന്ന് അന്നേ പറഞ്ഞതാണ്, ഞാനവനെ പൊന്നുപോലെ നോക്കിയേനെ'; കണ്ണീരോടെ ഏകലവ്യന്റെ അച്ഛൻ!
നാഗവല്ലിയുടെ മനംകവർന്ന രാമനാഥൻ ചോദിക്കുന്നു, 25 വർഷം എന്തേ എന്നെയാരും തേടി വന്നില്ല?
മരണം കാത്ത് ആ പൈതൽ; ഒടുവിൽ ഒരുനോക്ക് കാണാൻ അമ്മയ്ക്ക് അനുമതി; കനിവിന്റെ കവാടം തുറന്നതിങ്ങനെ