കണ്ണൂർ അലവിൽ സ്വദേശി സച്ചിന്റെ ജീവിതം ഇനി മുന്നോട്ട് പോകണമെങ്കിൽ വൃക്ക മാറ്റിവയ്ക്കണം. ഒന്നര വർഷം മുൻപ് ശരീരം നീരു വച്ചപ്പോഴാണ് ഇരുവൃക്കകളും തകരാറിലാണെന്ന് തിരിച്ചറിച്ചത്. വൃക്ക മാറ്റിവയ്ക്കാനായുള്ള 35 ലക്ഷം രൂപയ്ക്ക് സുമനസുകളുടെ സഹായം തേടുകയാണ് സച്ചിനും കുടുംബവും.
വിദേശത്ത് ജോലി ചെയ്ത് ഒരുപാട് സ്വപ്നങ്ങൾ കണ്ട് ജീവിച്ച ഒരു ചെറുപ്പക്കാരന്റെ ജീവിതം ഒന്നര വർഷങ്ങൾക്ക് മുൻപ് തകിടം മറിഞ്ഞു. ഇങ്ങനെ ശരീരം നീരു വച്ചതായിരുന്നു അപായസൂചന. ആശങ്കയില്ലാതെ പരിശോധന നടത്തി. പക്ഷേ, ഫലം ജീവിതം തകർക്കുന്നതായിരുന്നു. രണ്ടു വൃക്കകളും തകരാർ. പിന്നീട് രണ്ടു കണ്ണിന്റെയും കാഴ്ച പോയി. രൂപം മാറി. ജീവൻ നിലനിർത്താൻ ആഴ്ചയിൽ മൂന്ന് തവണ ഡയലാസിസ്.
ശരീരം നീരു വയ്ക്കുമെന്നതിനാൽ ദാഹിച്ചാൽ ദാഹം തീരുന്ന വരെ വെള്ളം കുടിയ്ക്കാൻ കഴിയാത്ത ഒരു അവസ്ഥ ചിന്തിച്ചു നോക്കു. ആ ജീവിതമാണ് ഇന്ന് സച്ചിൻ നയിക്കുന്നത്. ജീവിതം തിരിച്ചു പിടിക്കാൻ സച്ചിന്റെ മനോബലം പോലെ പ്രധാനമാകുന്നു പണവും 35 ലക്ഷം രൂപ എന്നതാണ് കടമ്പ. സുമനസുകൾ സഹായിച്ചാൽ സച്ചിൻ ഇനിയും ജീവിക്കും. വേദന അറിയാതെ.
അക്കൗണ്ട് വിവരങ്ങൾ
SACHIN N.T CHIKILSA SAHAAYA COMMITTEE
STATE BANK OF INDIA
ALAVIL BRANCH
KANNUR
AC NO 42718397012
IFSC CODE : SBIN0071207
MICR : 670002917
GOOGLE PAY : 9599578758
