പൊലീസ് അക്കാദമിയിൽ എസ്ഐയെ ജീവനൊടുക്കിയ നിലയിൽ കണ്ടെത്തി; മരണകാരണം വ്യക്തമല്ല...

തൃശൂർ രാമവർമപുരം പൊലീസ് അക്കാദമിയിൽ എസ്ഐയെ ജീവനൊടുക്കിയ നിലയിൽ കണ്ടെത്തി. പൊലീസ് അക്കാദമിയിൽ ട്രെയിനറായിരുന്ന ജിമ്മി ജോർജ് (36) ആണ് മരിച്ചത്. ക്വാർട്ടേഴ്സിലാണ് ഇയാളെ മരിച്ചനിലയിൽ കണ്ടെത്തിയത്. 

സാമ്പത്തിക ബാധ്യത കാരണം ജീവനൊടുക്കിയതാണെന്നാണ് സൂചന. യഥാര്‍ഥ മരണകാരണം വ്യക്തമല്ല. പഴയ ആശുപത്രി ബ്ലോക്കിലാണ് മൃതദേഹം കണ്ടെത്തിയത്. തൃശൂർ മാടായിക്കോണം സ്വദേശിയാണ്. കേരളാ പൊലീസ് ഫുട്‌ബോള്‍ ടീമിലെ താരം കൂടിയാണ് ഇദ്ദേഹം.

(ശ്രദ്ധിക്കുക: ആത്മഹ‌ത്യ ഒന്നിനും പരിഹാരമല്ല. മാനസികാരോഗ്യ വിദഗ്‌ധരുടെ സഹായം തേടുക, അതിജീവിക്കാൻ ശ്രമിക്കുക. ഹെൽപ്‌ലൈൻ നമ്പരുകൾ - 1056, 0471- 2552056).